| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| jɛməŋ nʲoɬ | kazym khanty (KK) | Moldanov, Timofej A. | prose (pro) | Tales (tal) | 1091 | glossed | – |
| Text Source | Editor | Collector |
|---|---|---|
| Молданов, Т. А.: Кань кунш оӆаӈ. Выпуск 1. Ханты-Мансийск (1997), 49-52. | Moldanov, Timofej A. | Moldanov, Timofej A. (MV) |
| English Translation | German Translation | Russian Translation | Hungarian Translation |
|---|---|---|---|
| "The holy cape" | "Das heilige Kap" | "Святой мыс " | – |
| by Zehetmaier, Marianne | by Zehetmaier, Marianne | by Seesing, Olga |
| Citation |
|---|
| Moldanov, Timofej A. 1997: OUDB Kazym Khanty Corpus. Text ID 1091. Ed. by Schön, Zsófia & Sipos, Mária. http://www.oudb.gwi.uni-muenchen.de/?cit=1091 (Accessed on 2024-04-27) |
| jɛməŋ nʲoɬ |
| ɬeːβən nɵːmən βɵːɬ, jɛməŋ nʲoɬ kɵːrt. susən βɵːntijəm aːrteɬən, kanʃanʲsʲəm aːrteɬən, pupije jɔːʃa paːβətsa.in jɛməŋ nʲoɬ kɵːrtən pupeɬ tajseɬ, tajseɬ. taɬa juβəm aːrtən jaːkti pitseɬ. jaːkti sɔːntəməseɬ jɛməŋ nʲoɬ kɵːrta sʲi ɬoŋəɬseɬ. paː jɛməŋ nʲoɬ kɵːrt oβəs pɛɬakən kat xɵː βɵːɬɬəŋən, jukana βɵːɬɬəŋən. meːβəɬən xɔːtijet. jaː in xɵːjŋən sʲi pupi jaːkti taxija, pupi ɬoŋəɬtəp xatəɬ sʲiβ jeːtən sʲi ʃɵːʃsəŋən. “min paː, lopijəɬ, pupi ɬoŋəɬti taxija jaŋɬəman”. jaː, sʲiβ joxətsaŋən, pupi ɬoŋəɬsa, jaːksa, jotsa. aːt xuβaʃək juβəm aːrtən sʲi jaːk xɔːteɬ βoɬitseɬ. jaː, in xɵːjŋən in ʃaːjən janʲəlsʲəsijŋən. paː mir ʃaːj jaːnʲsʲət. oɬti aːrta jis. “jaː, lopijəɬ i xɵːjəɬ, xɔːtɛməna joxi manɬəman, kɵːrtɛməna. naŋ manɬən?” i xɵːjəɬ lopijəɬ: “aːt xuβa jis jɛməŋ nʲoɬ xosʲa aːtəɬən jaŋti ant raxəɬ.” jaː, in joxi manti lopəm xɵːjəɬ lopijəɬ: “jɛməŋ nʲoɬ, muŋ tata ɛnəmsəβ, poʃsəβ. ɛnəmti jɔːʃeβ ɛnməs, ɛnəmti kureβ ɛnməs. jɛməŋ nʲoɬən aːket ɬuβ βeːɬʲsʲi xɵːn ʃiβaɬəseɬ. ɛnməm ponʃəm muβeβ. maː, jaː sʲi manɬəm”. jaː, in xɵːjeɬ lopijəɬ: “muja lopɬa jis jɔːx lopəm jaːsəŋ: “jɛməŋ nʲoɬ paː jɛməŋ nʲoɬ aːtəɬən jaŋti ant raxəɬ. antɵːm, maː ant manɬəm. muɬ taxija tiβ oɬəmɬəm. pupi jaːkti kɵːrt. muj βurən pupi jaːkti xɔːt, aːtəɬən manɬa. jaːk, jont xɵːɬti aɬnəmɬa tiβ sʲi ʃɵːʃsəman. maː ant manɬəm.” “jaː, naŋ ant manɬən, maː ɬɵːmətʲɬʲəɬəm, sʲi manɬəm.” jaː, in joxi manti xɵːjəɬ, ɬɵːmətʲɬʲəs, ponəntəs. antəp tajəɬ, antəpəɬ antəs, kim ɛtəs, sʲi ʃɵːʃməs. in jɛməŋ nʲoɬ tampijən, jɛməŋ nʲoɬ saŋxəm. in saŋxəm iɬpijən, ɬeːβ jɛŋk xuβat sʲi ʃɵːʃəɬ. aːj ɬeːβ. in jɵːʃ βurəɬ xuβat ʃɵːʃəɬ βutɬi, xɵːɬəntijəɬ: sɔːt naːŋkəp aːr naːŋkəp paːjən ɔːβ punʃəm saːsʲəɬ, sʲaɬta paː ɔːβ lap pɛntəm saːsʲəɬ. sʲi in ɔːβ punʃijəɬsa, ɔːβ pɛntijəɬsa. sɔːpasa saŋxəm ox pati pɛɬa sʲi aŋəɬəɬ. βaːntijəɬəɬɬe: ɬɛɬ jux tijəɬ paɬat, karəsʲ jux kutpəɬ paɬat. sʲiməsʲ ot jali ʃiβi saŋxəm xɔːnəŋən ox pati eːβəɬt, saŋxəm iɬpija nik xatəməs. nik xatəməs, ɬeːβ jɛŋka pitəs, ʃɵːtʃi jɵːʃəɬ jeːɬ pɛlkəɬ eːβəɬt lap ʃɵːʃsa, ɬɔːɬʲsa. sʲi aːrtən nɵːməsijəɬ: “naŋ ɬɔːɬʲsʲi moɬti taxen, naŋ ɬɔːɬʲa.” ɬeːβ kutəp pɛlka jirɛməs. “maː jirɛɬta manɬəm. naŋ ɬɔːɬʲsʲi moɬti taxen ɬɔːɬʲa.” ɬeːβ kutəp pɛlka jira jirɛməs. in jalanʲ ikeɬ puŋəɬ eːβəɬt manti. in ikeɬ sʲi aːrtən manti pitməɬ aːrtən. jeːɬ pɛlkəɬ lap βusi. “jaː, naŋ ʃɵːtʃi moɬti taxen ʃɵːʃa.” jɵːʃəɬa kaːrɛməs. in xɵː jɵːʃəɬ xuβat. sʲitəɬən in jalanʲ ikeɬən, jɵːʃəɬ lap βusi. “xa, naŋ ʃɵːtʃi moɬti taxen ɬɔːɬʲa. maː paː naŋ i pɛlken eːβəɬt paː manɬəm.” jaː sʲi, in ruβa kiməɬa kaːrɛməs. sʲi manəɬ. manti taxeɬ in ikenən paː lap βusi. jaː, jɵːʃəɬa sʲitəɬən in xɵː kaːrɛməs. “naŋ ɬɔːɬʲsʲi, muj jɛrtəm taxen βɵːɬɬa. maː jɵːʃɛm xuβat manɬəm.” jɵːʃəɬa joxtəs. in ikeɬən paː jɵːʃəɬ lap βusi. isa, kutən βaːna sʲi joxtəs. “taxa, naŋ, – noməsəɬ nɵːməsəɬ, – mujen xoti jis, muj jɵːʃɛm eːβəɬt jɛrtɬən? manti muj βeːɬʲsʲi ʃiβaɬəsen. muŋ βɵːɬman sʲi tajɬeβ jɛməŋ nʲoɬ paː jɛməŋ nʲoɬ. nɵːmman ninəti, aːn ʃiβən seːβiɬaɬəβ, pɔːriɬəɬəβ, put ʃiβən manɬaɬəβ.” jaː, in iki sʲi kutən βaːna joxtəs. “jaː, ɬuβ at ɬaːɬʲ jɵːʃ kutəpən maː manɬəm ɬuβ puŋəɬəɬ eːβəɬt ɬoŋɛməɬəm. ɬoŋɛməɬəm ɬuβ moxteɬən, isʲiti sʲi manɬəm.” jaː, in ikeɬ xosʲa βaːna ʃɵːʃəs, kuʃ ot puŋəɬəɬ eːβəɬt ɬoŋɛməti, in ikeɬən tɵːp tɵːsi kutɬəpəɬ kaːtəɬsa, nox sʲi aːɬɛməsi. uŋəɬəɬa ɬɵːxɬɛməɬi. sʲi nox tuβəm aːrtəɬən, in xɵː ɬoɬpɛŋ naɬəp keːʃi tajəs, ɬoɬpɛŋ naɬəp keːʃəɬən ɬɵːŋx lɔːt eːβəɬt ʃaːritɬa in βɵːnt ɬɵːŋx βur mɛŋk sʲalɛŋ uβ morta oβəs, ɬuβ paː saːsʲɬi pitəs sʲi ruβən. jaː, saːtʲɬi pitəs, sʲi mɛŋkəɬ jɵːʃ kutəpa pitəs, muj jɵːʃ ʃɵːpa pitəs, ɬuβ sʲi puŋəɬəɬa. saːtʲɬi pitəm xɵː. xuβ oɬəs, βaːn oɬəs. i moɬtijən nɵːməsijəɬ: in mɵːnti sʲiməsʲ βɵːɬəm βɛrsəm muj tam jɔːx βurijən, sʲiməsʲ βɛra pitəm βɛrɛm βɵːɬ. sʲi nox saːjkatiɬəs, manʃanʲsʲəs, manʃanʲsʲəs sɛmŋəɬ nox punʃəɬ. paː mattirn jina βɛr sʲi. in mɛŋk ikeɬ sʲata oɬ. ɬuβ paː sʲi puŋəɬən. in keːʃeɬ, sɔːtpəɬ βaːnəɬ, ɬɵːŋx lɔːt eːβəɬt keːʃijən ʃaːritəm βɛrɛm βɵːɬ. in mɛŋk ikeɬ aːŋən iɬpi ɬɵːŋx lɔːtəɬ βoɬɬa pitsa. jina mattirən keːʃeɬ xoti ʃaːritəm sʲirəɬən sʲata ɬɔːɬʲ. in keːʃeɬ nox βus. ɬɔːnʲsʲa, muj moɬtija mɵːŋxəsəɬɬe, ɬeːsʲitsəɬɬe. sɔːtpəɬa nʲoxtəsɬe. “jaː, nɵːməsijəɬ, jeːɬi manti muj, manɬəm taɬta maː isʲi jaːkti kɵːrta.” in ikeɬ βaːntti pitsəɬe mattirən ɬaːpət puʃ βɔːj teːɬ tajəɬ, nʲoxəs teːɬ tajəɬ. in ɬaːpət teːɬəɬ eːβəɬt ɬuβ muj jɔːʃ laːmp βutat, ɬaːpət ɬɛr βaːnʲsʲəs. nʲoxəs sox, βɔːj sox teːɬəɬ eːβəɬt. jaː, isʲi jaːkti kɵːrtəɬa joxi kɛrɬəs. βaːnʲsʲəsəm pulɬaɬ jɔːʃəɬən tɵːɬɬe aːɬəŋaja jis. nox pitəm jɔːx sʲi jaŋɬət. moɬtsər jɔːntəm βɔːj soxət. tajəm βɔːj soxət, jɔːʃən tɵːɬ. in jɔːx lopijəɬɬət: “aːɬəŋ paː sʲi joxətsən. muŋ βeːɬʲsʲi nox pitɬəβ. naŋ jaməs aːɬəŋ nox pitəmsən.” in xɵː lopijəɬ: “muj taxeɬ, maː, lopijəɬ, joxi manijəɬsəm, joxi paː ant joxtijəɬsəm. mantɛm saː sʲiməsʲ sʲiməsʲ βɛra pitsəm. tam sʲi pɔːsa tuβəm otɬəm. sʲiti mɛŋk iki, paː βura paːβətsəm. sʲi saːtʲɬi pitijəɬsəm. sʲitɛmən tiβ sʲi jisəm.” jaː sʲi in xɵː. ɬɛsət, jaːnʲsʲsət. jaːkti xɔːt tɛɬ mir, jaːkti xɔːt tɛɬ xanti. sʲi aktəsʲsət, muj kɛm xɵː saməɬ pakəɬ manti, sɔːntəməsət. muj kɛm xojat saməɬ ant pakəɬ sʲiβ ant manəɬ. in jɔːx sʲiβ joxətteɬ jeːɬpijən ʃaːj jaːnʲsʲəm muj mareɬən. nɵːməɬta i sʲiməsʲ katən ʃiβi βɔːxɬʲəman, βɛra paːβtəm otən kat ɔːɬŋəɬ eːβəɬt aːɬəmman paː, saŋxəm ox pati pɛɬa nox sʲi tuβman. sʲi βaːntəm oteɬ. sʲi βaːntəm oteɬ eːβəɬt jɔːʃ βutat ɬaːpət ɬɛr βaːnʲsʲəsət. sʲi pɔːsəɬ mujəɬən in paː βɵːɬ. xuβ tɵːrəm βɵːs, βaːn tɵːrəm βɵːs. |