| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| paːnnɛ puβli #(#jis potər#)# | kazym khanty (KK) | Moldanova, Ewdokija Kuz´minična | prose (pro) | Tales (tal) | 1118 | glossed | – |
| Text Source | Editor | Collector |
|---|---|---|
| Молданов, Т. А.: Кань кунш оӆӑӈ. Выпуск 2. Томск (2001), 128-129. | Moldanov, T. A. – Moldanova, T. A. | Moldanov, Timofej A. (MV) |
| English Translation | German Translation | Russian Translation | Hungarian Translation |
|---|---|---|---|
| "Burbot stomach" | "Der Quappenmagen" | "Пувлы налима " | – |
| by Zehetmaier, Marianne | by Zehetmaier, Marianne | by Seesing, Olga |
| Citation |
|---|
| Moldanov, Timofej A. 2001: OUDB Kazym Khanty Corpus. Text ID 1118. Ed. by Schön, Zsófia & Sipos, Mária. http://www.oudb.gwi.uni-muenchen.de/?cit=1118 (Accessed on 2024-04-28) |
| paːnnɛ puβli #(#jis potər#)# |
| imɛŋən ikɛŋən βɵːɬɬaŋən. ikeɬ xatɬaɬən jaŋxəɬ βeːɬpəsɬəman. imeɬ paː joɬən ɬuβ xɔːt βɛrɬaɬ βɛrman xasʲijəɬ. muj xuɬ βɛrəɬ, muj tutjux taxti ɬeːsʲitəɬ. sʲiti βɵːɬtan saxat ikeɬ joxi jitaɬən, pɵːʃas xɔːnəŋa joxəttaɬən isa sij joɬən saːsʲəɬ. paː kuʃ ɬɛti ɔːməsɬaŋən, paːnnɛ puβli antɵː. in xɵː imeɬ inʲsʲəsəɬ: – paːnnɛ puβliɬən tam βɵːɬtenən muj taxija tɵːtʲɬʲəɬɬən? – naŋ sʲi xuβat jaŋxten eːβəɬt mɵːnti xuβən ɬaːβɛməsɬəm. jaː sʲi, in ikeɬ sʲi βoɬijəs. jɵːxət xatəɬ paː sʲi mans βeːɬpəsɬaɬ βaːnti. joxi ʃɵːʃtaɬən nɵːməsijəɬ – “maː sar aːjəɬtijeβa ʃɵːʃɬəm, xɵːɬəntɬəm, muj sij isa saːtʲəɬ”. pɵːʃas xɔːnəŋa sʲi joxtəs. paː sʲi muɬsar sij. xɔːt xɔːnəŋa joxtəs, ɬɔːɬijəɬ, joɬən imeɬ xojat piɬa potərtəɬ saːtʲəɬ. sʲitaɬən joxi sʲi ɬoŋəs. nɛməɬt xojat antɵː. imeɬ inʲsʲəsɬaɬe: – naŋ xoj piɬa potərsən? – maː, maː saxtɛma potərsəm. jaː aːt βɵːɬ, paː sʲi ɬɛti pitsəŋən, puβli antɵː. kuʃ inʲsʲəsiɬəs, muj ɬɛβəm jupijən. xɔːɬsəŋən βɵːsŋən. jɵːxət xatɬa jis. ikileɬ lopijəɬ: – taxa, maː tamxatɬ βeːɬpəsa ant manɬəm, muj keːʃi, muj ɬaːjəm ɬoxətɬəm. jaː, sʲirn maː tonti xorti manɬəm. sʲitaɬən imeɬ sʲi ʃɵːʃməs tonti xorti. ikeɬ joɬən ɔːmasəɬ, ɬaːjməɬ ɬoxətman: tʲa , ʃaːʃ pɛləkən, imeɬ nori ɔːɬaŋən moɬti nʲoxaɬ. βaːntijəɬ: paː muj βurən imeɬ jorən xirəɬ nʲoxaɬ. siβ xatəməs, jorən xir ɔːβ puʃməsɬe: mattirən tuʃəŋ iki ɔːməsəɬ, tuʃɬaɬ nʲur sʲorɛma juβmeɬ, xuɬ βoj iɬɬi pɔːsijəɬ. sʲitaɬən in iki isʲi siβ xir ɔːβəɬ jirsaɬəsɬe. jaː sʲiti imeɬ jeːtna juβəman joxtəs. ɬɛsŋən jaːsʲsəŋən. in ikeɬ imeɬ pɛɬa lopijəɬ: – xaɬeβət sus kɵːrta kaːsəɬɬəman. – paː jeːʃa βɵːɬɬəmən, lipət xoɬna anta xɔːjɬa. – antɵː, mɔːsəɬ kaːsəɬti, maː matajəɬ isʲi jaŋxɬəm isa βaːr ɬʲoxitti sʲi xuβat muβa. jaː sʲi. aːɬəŋaja jis sʲi sɔːntəməsŋən ɬɛɬtəsti. muj aːr alla tajɬŋən ɬuŋ kɵːrtan taːka sʲi tajɬaɬe. sus kɵːrtan ɬɔːr tompijən, xɔːpa sʲi ɬɛɬsaŋan. xɔːpan mantanan imeɬ isa βɵːn joran xirəɬ taːka sʲi tajəɬ. – taxa! aːjəɬta ɬɔːβəɬta maː kɛpɬi xirɛm sʲi morəɬa. ikiɬeɬ βɛr xɵːn tajəɬ sʲata. ɬɔːr kutəp kɛma joxətmanən ikeɬ nox ninʃəmtiɬəs, sɵːxtəsi jorən xir paː jiŋka βosʲkəsi. sʲi aːrtən xir eːβəɬt noxɬi xojat uβti sʲi pitəs: – nox taːɬe, nox taːɬe! ɬɵːxəsa βɵːɬti pitɬəmən. nox taːɬe, nox taːɬe! sʲi aːrtən in iki uβman sʲi ɬɵːp jirən kutərsa: – jiβɬap asɬap! paːnnɛ puβli tam! sʲiti, paː sʲi kutərɬa. sʲi jupijən in imɛŋən ikɛŋən sijən kijən antɵː. in paː sʲi sʲunʲən xɵːɬən paːnnɛ puβli ɬɛβman sʲi βɵːɬɬəŋən. |