| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| najtaːl xum, oːtərtaːl xum oːli. […] | northern mansi (NM) | Atjin, Konstantin | prose (pro) | War Songs - Heroic Songs (her) | 1141 | – | – |
| Text Source | Editor | Collector |
|---|---|---|
| Kannisto, Artturi / Liimola, Matti. 1951. Wogulische Volksdichtung II, pp. 78-88 | Liimola, Matti | Kannisto & Liimola (KL) |
| English Translation | German Translation | Russian Translation | Hungarian Translation |
|---|---|---|---|
| "A Man Goes to another Man, Helps him to Fight against the Enemy and Gains his Sister as his Wife." | "Ein Mann gelangt zu einem anderen Mann, hilft diesem gegen den Feind zu kämpfen und erhält die Schwester zur Frau." | – | – |
| by Kannisto, Artturi |
| Citation |
|---|
| Kannisto & Liimola: OUDB Northern Mansi Corpus. Text ID 1141. Ed. by Janda, Gwen Eva. http://www.oudb.gwi.uni-muenchen.de/?cit=1141 (Accessed on 2024-04-29) |
| najtaːl xum, oːtərtaːl xum oːli. […] |
| najtaːl xum, oːtərtaːl xum oːli. takkeːt maːt janiɣməs. eːlmxoːlas aːtʲim. xoltaːl oːlne sorəŋ teːp maːɣəŋ teːp pasan onʲsʲi. tox oːlimat xuːlimat tuwl nomsi: “xottalʲ jaləŋkʷeːri”. jaː xujas. kʷaːls. sorəŋ teːp maːɣəŋ teːp pasaneːn teːŋkʷ uːntəs. teːs, ais. masxats, eːntxats. konkʷaːls, luwkoleːn minas. takləŋpunpa luːpiɣrisʲ puwwəs. uːnʲsʲiŋ owle eːlalʲ waːrəste, puŋkəŋ owle juwlʲe waːrəste. ta raːts, ta weːlats, iŋ alaste. juwsʲaltəs. sorəŋ teːp, maːɣəŋ teːp pasaneːn teːŋkʷ eːla uːntəs. teːs, ais. xujas. xosa xujas, waːtʲi xujas, kʷaːls noːŋx. sorəŋ teːp, maːɣəŋ təːp pasaneːn teːŋkʷ uːntəs. teːs, ais. masxats, eːntxats. konkʷaːls. luwkoleːn minas. takləŋpunpa oːspiɣrisʲ puwəste. unʲsʲe eːlalʲ waːrəste, puŋke juwlʲe waːrəste. ta raːts, ta weːlats, iŋ alaste. taiteːt juw sʲaltəs, sorəŋ teːp, maːɣəŋ teːp pasaneːn teːŋkʷ uːntəs. teːs, ais. xujas tuwl. xosa xujas, waːtʲi xujas, kʷaːls. sorəŋ teːp, maːɣəŋ teːp pasaneːn teːŋkʷ uːntəs. teːs, ais, aːstəs. masxats, eːntxats. tuwl minas kon. luwkolən minas. nʲaːrkʷaːrek akʷ luw puwwəs. luw siseːn taːls, lapajaptawes. xajtne tul, minne tul lʲulʲittəl totawə. xosa totwes, waːtʲi totwes, uːskeː pəl uːsən neɣləs. luwe joltaːrats: soːrnʲiŋ olən laːkʷ, sʲaːliɣ olən laːkʷ. luwe sʲaːliɣ olən laːkʷə neːɣste. juwsʲaltəs tuwl: tuːrən man aːsən ojiɣpəs, kol ta janit taː. kolkan kotʲəlʲn sunsi: wiɣruːlaməŋ neː uːnli. tiɣlʲe aːŋkʷwats, pasʲalaxtsiɣ. “ta saːmt janiɣmam najtaːl xum, oːtərtaːl xum, mat urəl tiɣ ta joxtumən.” anʲ neː neːpak lowintim uːnli; neːpak mosʲan aːŋkʷwataːlite, poːkən pinite, moːt neːpak wiɣ, sunsi, sunsi, kotʲlʲeːn at joxti, tuwl poːkən ta pinite. moːt neːpak wiɣ, kotʲlʲeːnəl tarməl tuːp mini, poːkən pinite. akʷ mat eːrt tox neːpak sunsimeːt lʲaːɣəs: “piɣm joxtənporaɣ ti jeːmtəs.” isnassəl konalʲ sunsi: xotal jiːwt xalnəl ta paːtraŋkʷ jeːmtəm. sunsite: tulpuwsət xalnəl luwlaɣlt neɣlalaŋkʷ patsət. juwlʲ aːŋkʷwatameːt neː aːtʲim matər aːtʲim, aman toːrəmn xaːŋxəs man maːn sʲaltəs. anʲ luw jis, taw luwe lʲulʲnemaːn tuw taːrats. taw luwe wojwes, akʷ jot witən totsaɣe. joxtəs, luwaɣe sʲoːpits. tuwl juw sʲaltəs, pasʲalaxtsiɣ manarassiɣ. lʲaːɣəs: “ta maːt janiɣmam najtaːl xum, oːtərtaːl xum, mat urəl tiɣ ta joxtumən.“ tuwl lʲaːɣəs: “noːŋxjaniɣmane xum, akʷ xurip maːn xunʲ joxteɣm?!“ tuwl akʷ sʲeːpeːnəl saːr leɣmati, akʷ sʲeːpeːnəl winasulʲɣa leɣmati. sorəŋ teːp, maːɣəŋ teːp pasaneːn teːŋkʷ uːntsiɣ. teːneteːn xalt, ajneteːn xalt akʷ kit taɣl ajaleɣ. xumite laːwi: “aːnəm sak ul ajteːlən! kutsʲawəm.“ xumit laːwi: “kutsʲawen, saːw ul ajen!“ teːssiɣ, ajsiɣ. teːmmaːteːnəl aːstəsiɣ, jilʲpi xumit powrmats. xujnemaːl sʲoːpitaste, xujptaste. xosa xujas man waːtʲi xujas; akʷ mat eːrt xuːntamlaste: xumit kole janitəl jaləŋkʷ ta patme sujti. peːrəmtaxtəs xujimat noːŋx. xumit paːlt joxtəs. akʷ xumit laːwi: “ti kʷaːlapasən.“ xumit laːwi: “kʷaːlapasəm“, laːwi. sorəŋ teːp, maːɣəŋ teːp pasaneːn teːŋkʷ uːntsiɣ. tuwl teːneteːn, ajneteːn xalt lʲaːɣəs: “manər puwəŋ, manər sʲunʲ!“ akʷ xumit laːwi: “puwəŋ sʲunʲ oːlnemaːteːt oːli.“ teːsiɣ, ajsiɣ, aːstəsiɣ. masxats, eːntxats. “naŋ ti kolənt oːlen“, laːwi, “ti xoːtal! puwəŋ sʲunʲ sunsəŋkʷeː ke taŋxeɣm, sunsen!“ xoːt tuman, taweːn majweːst. akʷ xumit minas. akʷ xumit miname jujipaːlt kolaːwi puːssaŋkʷ pats. puwəŋiɣ sʲunʲiɣ sunsəŋkʷ pats. ta koleːnəl kaːse xolas, moːt kol aːwi puːnsəs: ti konipal sʲunʲ puwəŋ; sunsi. ta koleːnəl kaːse xolas, jaː moːt kol aːwi puːnsəs: oːs ti konipal sʲunʲ puwəŋ saːw. ta koleːnəl kaːse xolas, moːt kol aːwi puːnsəs: ti konipal sʲunʲ puwəŋ; sunsi. kaːse xolas, moːt kol aːwi puːnsəs: muːnt manər puwəŋ oːls, ti konipal puwəŋ. jaː kaːse xolas, moːt kol aːwi puːnsəs, ti konipal puwəŋ sʲunʲ. jaː kaːse xolas, akʷ kol aːwin joxtəs. soːrnʲiŋ otlən tuman onʲsʲi. tumanane tuw at roːweɣt. ja juwlʲe joːŋxəs. konalʲ xosa jis, waːtʲi jis, oːlnekoleːn joxtəs. isnasəl konalʲ sunsi: xoːtal jiːwt tolʲəxnəl jol ta paːtəri. sunsite: tulpuwsət xalnəl luwlaɣlt neɣləŋkʷ patsət. sunsite: xumite ta juw. luwe lʲulʲne maːn joltaːrats. taw luwe wojwes, akʷ jot witən totsaɣe. luwaɣe sʲoːpitasaɣe. juwsʲaltəs, uːlamane aːŋxʷsalasane, akʷ pal sʲeːpeːnəl saːr leɣmats, xarts, akʷ pal sʲeːpeːnəl sulʲɣa sʲaːrka leɣmats. taɣl ajaləs. tuwl sorəŋ teːp, maːɣəŋ teːp pasaneːn teːŋkʷ uːntsiɣ. teːneteːn ajneteːn xalt akʷ kit taɣl ajaleɣ. teːm ajim maːteːnəl aːstsiɣ. akʷ xumit powrmats. xujnemaːteːn xujiptaste. xosa xujas, waːtʲi xujas, xuːntamlaste: xumit kole janitəl jaləŋkʷ ta patme sujti. kʷaːlaps, xumit paːlt lʲeːŋktalaxtim ti joxtəs. akʷ xumit laːwi: “ti kʷaːlapasən?“ sorəŋ teːp, maːɣəŋ teːp pasanəːn teːŋkʷ uːntsiɣ. teːneteːn ajneteːn xalt laːwi: “akʷ koləm xulʲts sustaːl.“ akʷ xumit marawi. teːsiɣ, ajsiɣ, aːstəsiɣ. akʷ xumit laːwi: “ti kolənt ta oːleɣn oːs.“ akʷ xumit eːntxats, masxats, konalʲ minəŋkʷ pats. akʷ xumit laːwi: “akʷ koləm sustaːl xulʲts.“ ja suːptaːl oj nʲeləmtaːl oj soːrnʲiŋ oləŋ tuman taweːn majwes. ja minas anʲ xumite. xumit minam jujipaːlt soːrnʲiŋoləntumanəŋ kolaːwiteːn joxtəs. puːnsəste: toːrəm lap, maː lap minas. samaɣe lapləsaɣe: ta kem wiɣr kol, noːŋxalʲ peːlamli akʷaɣ. wiɣruːlaməŋ neː uːnli. ta poːxən tuw jola uːntəs. xos uːnəlsiɣ, waːtʲ uːnəlsiɣ; akʷ mat eːrt neː lʲaːɣəs: “jaɣpiɣm joxtənporaɣ ti jeːmtəs.“ ja konalʲ minəŋkʷ pats. neː laːws: “neːn xolit akʷ jot mineːn, ul xulʲten!“ konalʲ minəŋkʷ pats. xosa minas, waːtʲi minas, oːlnekoleːn joxtəs. isnasəl konalʲ sunsi: xoːtal jiːwt tolʲəxnəl ta paːtəri. sunsite: tulpuwsət xalnəl luwlaɣlt neɣləŋkʷ ta patsət. jineːt ta naːŋki. luwe lʲulʲne maːn luwe jol ti taːrats. witəl ajtəŋkʷ totsaɣe luwaɣe. luwaɣe sʲoːpitasaɣe, juwsʲaltəs, uːlamane aːŋkʷiɣtasane. akʷ pal sʲeːpeːnəl saːr leɣmats, saːr xasməts, akʷ pal sʲeːpeːnəl sʲaːrkaɣ sulʲɣaɣ leɣmats, wina akʷ taɣl ajaləs. jaː sorəŋ teːp, maːɣəŋ teːp pasaneːn teːŋkʷ uːntsiɣ. teːneteːn ajneteːn xalt akʷ kit taɣl ajaleɣ. teːsiɣ, ajsiɣ, aːstəsiɣ. akʷ xumit powrmats. xujnemaːteːn xujiptaste. xosa xujas, waːtʲi xujas, xuːntamlaste: akʷ xumit kole janitəl jaləŋkʷ ta patme sujti. akʷ xumit paːlt ti joxtəs. akʷ xumit laːwi: “ti kʷaːlapasən.“ sorəŋ teːp, maːɣəŋ teːp pasaneːn teːŋkʷ uːntsiɣ. teːneteːn ajneteːn xalt akʷ xumit laːwi: “naŋ kolənt ti xoːtal oːlen!“ akʷ xumit laːwi: “atʲim, akʷ jot jalimeːn!“ akʷ xumit laːwi: “naŋ kaːsən, jalimeːn akʷ jot!“ teːsiɣ, ajsiɣ, aːstəsiɣ. masxatsiɣ, eːntxatsiɣ. ja konkʷaːlsiɣ, luwaɣeːn sisən taːlsiɣ: xajtne tul, minne tul lʲuːlʲittəl totaweɣ. xosa totwesiɣ, waːtʲi totwesiɣ, eːlalʲ sunsi: lʲuːmoj moːrts mir naːŋki. ja akʷ xumit laːwi: “naŋ tit oːlen, ul jajen!“ akʷ xumit ta minas. sunsite: “lʲuːmoj moːrts mir xalən joxtume naːŋki. urpum, woːrpum saɣrneːt naːŋki. ja noməlmatas: “am manər uːreɣm?!“ luwe poːsasaste, saːsnak mus jolsʲeltəs: oːs poːsasaste, kotjaktən poːsən sʲeltəs. xuːrmintiɣ poːsasaste maːnʲ sisurame lʲuːlʲi. tuwl laːwi: “aman uːsne sorəm xoːntas? ti eːlipal jujipal jol at sʲaltsaːli.“ poːsasaste, jomas keːmən noːŋxlapais. oːs juːniɣtaste, oːs noːŋxlapais. xuːrmintiɣ juːniɣtaste, maːsakʷane palɣəst. jaː ta lapajaptawes. xosa totwes, waːtʲi totwes, xumit paːlt joxtəs. owl saɣraps, paːŋksow mir raɣmatsət, kitəntiɣ saɣraps, paːŋksow mir raɣmatsət. xuːrmintiɣ saɣraps, paːŋksow mir raɣmatsət. tuwl ojmatame mus akʷ xumite kit supaɣe patsiɣ. nomsi: “ti uːssəm.“ noməlmatas: “xumim xot tox jeːmtəs?“ xulax numən jali. laːwi: “aːnəm saːt pumnaktaɣl liliŋ wit toten!“ anʲ xulax xosa jals, waːtʲi jals, saːt pumnaktaɣl liliŋ wit totas. xosa lowts, waːtʲi lowts, liliŋiɣ pattəste. noːŋx uːntəs, laːwi: “mir xujiptaːləm nʲoxspitʲi, uipitʲinəl aːnəm manriɣ noːŋxsajkataslən?“ luwaɣeːn sist juwlʲe ti juwiɣ. xosa jisiɣ, waːtʲi jisiɣ, koleːn joxtsiɣ. eːli xumite juw joxtəs, i taːra juw sʲaltəs. juw sʲaltmeːt neː joːmiɣti. neː laːwi: “mana soːtəŋ oːlsən, lilin neɣləs! xumin ke at jaltəptaslən, sipluwn pumtar oːls.“ jaː xumit luwaɣe sʲoːpits, juw sʲaltəs. akʷ pal sʲeːpeːnəl saːr leɣmats, saːr xasməts, akʷ pal sʲeːpeːnəl sʲarka sulʲɣa leɣmats, taɣl ajaləs. taijanəlt uːntsət sorəŋ teːp maːɣəŋ teːp pasananəln, teːɣt, ajeɣt. xosa teːst, waːtʲi teːst, aːstəst. taijanəlt xujast. xosa xujast, waːtʲi xujast, kʷaːlsət. akʷ mat eːrt sossaxumit lʲaːɣəs: “neːn oːlne kitiɣ, neːn maːŋ witəŋ kitiɣ! minnepora jeːmtəs, minen!“ tuwl ta sʲopitasaɣe. xumit xoːt oːls, oːləmmaːteːn ta minasiɣ. xosa minasiɣ, waːtʲi minasiɣ, oːləmmaːteːn joxtsiɣ. ta sʲunʲeːnt, xuːleːnt anʲ ta oːleɣ. |