| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| kasʲinʲs kit joːrən oːleɣ. […] | northern mansi (NM) | Jänderov, Vasilij | prose (pro) | War Songs - Heroic Songs (her) | 1142 | – | – |
| Text Source | Editor | Collector |
|---|---|---|
| Kannisto, Artturi / Liimola, Matti. 1951. Wogulische Volksdichtung II, pp. 89-96 | Liimola, Matti | Kannisto & Liimola (KL) |
| English Translation | German Translation | Russian Translation | Hungarian Translation |
|---|---|---|---|
| "Legend of Two Samoyed Brothers." | "Sage von zwei samojedischen Brüdern." | – | – |
| by Kannisto, Artturi |
| Citation |
|---|
| Kannisto & Liimola: OUDB Northern Mansi Corpus. Text ID 1142. Ed. by Janda, Gwen Eva. http://www.oudb.gwi.uni-muenchen.de/?cit=1142 (Accessed on 2024-04-29) |
| kasʲinʲs kit joːrən oːleɣ. […] |
| kasʲinʲs kit joːrən oleɣ. ta kem puwəŋ onʲsʲeɣ, puwəŋ jalpəŋ maːn at laːwi. akʷ eːt kaŋke saːli uːri, akʷ eːt kasʲe uːri. kasʲe saːli uːrne eːt pats, saːlijane sʲarsʲjaːŋkən naːluwaɣləst, sʲaːrsʲjaːŋk supiɣtoːlmats. anʲ jaːŋkloːmte tarməl saːlijane jot ta totiɣlawe ta totiɣlawe. rakʷsam ke pati, tujiɣ nomsite, tuitsam ke pati, teːliɣ nomsite. xosa totiɣlawes, man waːtʲi totiɣlawes, eːlalʲ sunsi: luːpi. ”am eːrɣəm k eːla mini, am moitəm k eːla mini, ta luːpikapain tuw os totnuwem!” tuw i totwes, tuw xaːŋxəs. eːla sunsi: aman tul aman maː naːŋki. tiɣl lʲapa joxti, sʲaːrswaːta. paɣ joxtəs, anʲmuːnt maːwaːta sʲuːŋxəl poːlʲima. kit nupəl sunsi: wituːit paɣxujamt sʲarsʲwaːtan. eːla sunsi: akʷ xoːptal keːrxatam akʷ xum ta juw. ta xumit tiɣ joxtəŋkʷ jeːmtəs, sʲuːŋx xalən jolsʲaltaps. anʲ xumite jis jis, taw palte tiɣ ti lʲuːlʲs. anʲ jol sʲaltapəm xumit nupəl laːwi: ”kʷaːlen noːŋx!” laːwi. at kʷaːli pəl akʷ ti janit sorəm. kʷaːli pəl akʷ ti janit sorəm kʷaːls. xumiteːn taːlttawes: akʷ wituj taːlttəm. sʲaːrsʲwaːtateːnəl mosʲ minasiɣ, nʲilʲtaŋ taːra noːŋxalʲ lʲoːŋxkapaj. paɣneɣlsiɣ: joːrənkoleːn tot. jola lʲuːlʲssiɣ, anʲ totim xumite wituj tuːls, juw ta sʲaltəs. konxulʲtəm xumit nupəl laːwi: ”naŋ ti xoːptojkarisʲən taːrateːlən!” xoːptate taːrataste. xosa lʲulʲs, man waːtʲi lʲulʲs, juw ta sʲaltəs: neːmat xum aːtʲi, kit neː kit pal mus uːnleɣ. akʷ neːte laːwi: ”naŋ manər lʲulʲeɣn? numitoːrəm jaɣmeːnəl, numitorəm aːsʲmeːnəl tine tapal (or tine konipal) akʷ sʲos ta jowtslameːn. xoti neːmeːn nomtən pati, ta neːmeːn paːlt uːnten!” nʲoxssaxil ujsexil pintlawe, akʷaɣ at leːpxati, marawitaɣl xuji. eːtʲi xujimeːt nomsi: “nomteːn ke patnuw, xolit uj aləŋkʷ amki nʲoxssaxil ujrexil jalnuwəm.” xujast, xolit noːŋxkʷalsət. eːtʲi nas kos nomsəs, taw neːten waːwe. xumit nupəl laːwi: ”naŋ jalne mat urən ke oːlnuw, xot at jalnuwn?!” moːlxoːtal xoːptojkate ta puwwi. puwwəste, ta keːrəste, juwsʲaltəs. tittaːlutəl tittawes, ajttaːlutəl ajtwes. moːlxoːtal sʲirəl sʲaːrsʲwaːtateːn naːlw ta waɣls. sʲarsʲwaːta kit pal mus sunsi: wituːit paɣkʷaːlneːlən sʲuːŋx waːtat xujeɣt. juwlʲe minneːt mus akʷa xalʲtəmtaste, sunən taːltəste. minimeːt nomsi: ”teːn anʲ nomteːn ke patnuw, owl alam uːim pune xumlʲe oːls, konse xumlʲe oːls, tox os nujnuwteːn, am pupɣiɣ uːntənuwləm.” janiɣ neːte kon kʷaːlapaːls, anʲ wituj juwtuːliɣpaste. saːlite taːrats, juwsʲaltəs. tuwl anʲ xumit nupəl laːwi: ”naŋ nomtən xum mus pats, am ta sʲirəl i nujiləm.” tox i nujwes. oːs xujim anʲ xum nomsi: ”am xolit eːrne xurip xuːrəm puweɣm, maːm xotalʲ oːli, witəm xotalʲ oːli ojeɣm.” xolit saːli puwəŋkʷ ti jals. aːwisuːntən joxtəs, nomsi: “juw os sʲaltsənuwəm, matarəl eːrəŋ tittawm.” juwsʲaltəs, tittaːlutəl tittawe, uːnttaːlutəl uːnttawe. taw teːneteːsəs (or teːneteː sis) janiɣ ne kona kʷaːlləs, anʲ saːlit xottaːrataweːst. taw teːs, aːstəs; kon kos kʷaːli, anʲ saːlit xottaːratimat. noməsi: “eːrne saːlijaneːn teːl!” anʲ xoːtalanəl oːlssət. eːtʲi xujast, nomsi: “am xolit sar oːs moːtan puweɣm.” xolit oːs sʲaːrəkən minas, nomte patəm xurip xuːrəm ta puwwəs. nomsi: “am sar oːs aːwisuːntən os jalnuwəm, eːrəŋ matarəl tittawm.” juwsʲaltəs, tittaːlutəl tittawes, uːntaːlutəl uːntawes. teːɣ. anʲ taw teːneteːsəs maːnʲ neːte konkʷaːlləs, anʲ saːlit xottaːrataweːst. teːs aːstəs, kon kos kʷaːls, anʲmaləŋ saːlit xottaːratimat. ”teːl eːrne saːlijaneːn, toːn xot ti taːrataweːst.” eːtʲi oːs xujimat nomsi: “xolit oːs eːrne xurip xurəm puweɣm, ojeɣm.” ta minas, eːrne xurip xuːrəm ta puwwəs. sʲaːrsʲwaːtan nʲilʲtaŋ jolipaːlən juw jis. moːlal noːŋxaːŋsan lʲoːŋxsuːnteːn jola lʲulʲs, tiɣl tinʲsʲaŋ soːxtəs, joːrənkol talʲxeːn reːpiɣtaste, naːləw nʲirəmtaste. anʲ neːɣəɣ taːtəl koljoreːnt uːnlim ta xulʲtsiɣ. nʲolkʷaːliɣ nʲirasi, puŋke xotalʲ oːls, nʲole xoltalʲ oːls, ta suːltati. xosa suːltats, man waːtʲi suːltats, akʷ uːsən ta joxtəs. uːs pusən sakʷatima, uːs kotʲəlʲ sojmiɣ pokapəm, keːlp. nomsi: “soːrnʲitoːrəm, am xotalʲ sʲalteɣm?” puŋke nʲole xotalʲ oːls, ta taːlmats. xosa minas man waːtʲi minas, akʷ maːt jola ta lʲuːlʲs. xosa lʲulʲs man waːtʲi lʲulʲs, saːkʷalʲək taw sun poːsmeːn tuw ta isəs. ja akʷ mat eːrt ti potərtaŋkʷ pats: “ja tiːws”, laːwi, ”sormən tij!” laːwi. “neːɣən mosʲ eːrt ti neɣleɣ. ti lʲulʲnemaːnəl eːl ul minen, juw ul minen, titi lʲulʲen! naŋ paːltən tiɣ joxteɣ, akʷaɣ puŋkaneːn toːrəl lappeːriɣtamaneːn.” juwlʲe sunsi: neːmat xosa aːtʲim, saːliposim lilieːp ti neɣləs, anʲ puwəŋeːnt ti neɣləsiɣ. taw paːlte tiɣ ti joxtsiɣ, anʲmaləŋ wilʲtəneːn toːrəl lappeːriɣtamaneːn, taw paːlte ti lʲulʲsiɣ. suːpnʲeːləmtaːl ta lʲuːlʲeɣ. saːkʷalʲakeːn anʲmuːnt xanʲsʲtawes: “naŋ janiɣ neːt(e) anʲiɣlən, maːnʲneːt anʲiɣlən!” janiɣ neːte laːwi: “numitoːrəm aːsʲmeːnəl, numitoːrəm jaɣmeːnəl seːməl uːil wiɣr uːil at ke jowtilasmeːn , sormən tiɣ!” kolanəl tuw i tuːsʲtsanəl. eːtʲi oːlimanəl neːteːn kitiɣlawe: “maːn xotalʲ oːli?” laːwi. anʲ xum laːwi: “am xotəl waɣləm, maːm xotalʲ oːli?!” tuwl anʲ neː laːwi: “naŋ maːn at waːɣn, manriɣ mineɣn? maːji akʷ jot mineːw, manər lʲulʲ?! anʲ kaŋkən xosat oːli?” anʲ xum laːwi: “am xunʲ waɣləm?!” neːte laːwi: “kaŋkən kole mosʲ totnuw tij. xolit kaŋkən paːlt tax ti mineɣn. akʷan joxtjin, pasʲaluːt waːrjin. kaŋkən potər owl ti owlti: ‘naŋ xotəl jalne mat najxum, xotəl jalne mat oːtərxum, naŋ xoːt towləŋ uj laɣləŋ uj neːknemaː at xoːntiɣleɣn?’ naŋ ti laːweɣn: ‘naŋ man towləŋ uj laɣləŋ uj neːknemaː kismajasən?’ kaŋkən laːwi: ‘am towləŋ uj laɣləŋ uj alne aːpsʲi osʲsəm. aman maːn sʲaltəs aman toːrəmn xaːŋxs, at waɣləm. tujixoːtal xaːp opsʲəm, xaːxuːrəm pasaps tawe kinsim; teːljiɣ jeːmtəs, puwəŋ osʲsəm, puwəŋəm akʷ paːle xolas tawe kinsim.” tuwl xolitan kʷaːls, ta mini. kaŋke kolən joxtəs, juw sʲaltəs, pasʲalaxtast luːtsət. tuwl kaŋke ta kitaps kasʲe nupəl: “naŋ anʲ xotəl mat jalne najxum oːtərxum, mat towləŋ uj laɣləŋ uj neːknemaː at xoːntiɣleɣn?” kasʲe ti lʲaɣəs kaŋke nupəl: “naŋ manər sir towləŋ uj laɣləŋ uj neːknemaː kismajasən?” “am towləŋ uj laɣləŋ uj alne kasʲ oːŋsʲəm. aman maːn sʲaltəs, aman toːrəmn xaːŋxəs, at waɣləm. tujixoːtal xaːp osʲsəm, xaːpəm xuːranəl pasləst, teːli xoːtal saːli osʲsəm, akʷ paːle xolas kasʲim kinsim.” tuwl anʲ kasʲe kaŋke nupəl lʲaɣəs: “mat towləŋ uj pasapattaːl kasʲ ke osʲsən, laɣləŋ uj pasapattaːl kasʲ ke osʲsən, kasʲən am tij.” tuwl anʲiɣlaxteɣt sipəɣlaxteɣt onʲɣeːnt kaŋkeːnt. kaŋke ti lʲaːɣəs kasʲe nupəl: “naŋki mat urəl jaleɣn man jurtəŋ mat urəl jaleɣn?” “xotəl”, laːwi, “amki jaleɣm?! kit ne onʲsʲeɣm”, laːwi. kasʲe oːs ta lʲaːɣəs kaŋke nupəl: “ta saːwit saːli, woːrjiwe mosʲsʲa, saːli saːw.” kasʲe laːwi: “naŋ xolit saːt saːli puwen, am paːltəm jajen, jirxateːw!” anʲ kasʲe ta minas juw. xolit aːlpəl xoːt os saːt saːli puwwəs ta minas kasʲe kolən. jirxatsət luːtsət, kaŋke kolən usʲ ta mineɣt akʷan. kit puwəŋ akʷan ta tuːlwesiɣ. ta sʲunʲənəlt, ta xuːlənəlt anʲ ta oːleɣt. |