| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| akʷ ojk oːli. xuːrəm piɣ onʲsʲi. […] | northern mansi (NM) | Tasmanov, Jakov | prose (pro) | War Songs - Heroic Songs (her) | 1144 | – | – |
| Text Source | Editor | Collector |
|---|---|---|
| Kannisto, Artturi / Liimola, Matti. 1951. Wogulische Volksdichtung II, pp. 108-120 | Liimola, Matti | Kannisto & Liimola (KL) |
| English Translation | German Translation | Russian Translation | Hungarian Translation |
|---|---|---|---|
| "Legend of a Man's Youngest and Lazy Son who at the End Becomes a Protective Spirit." | "Sage von dem jüngsten Sohn eines Mannes, einem Faulenzer, der zum Schluss ein Schutzgeist wird." | – | – |
| by Kannisto, Artturi |
| Citation |
|---|
| Kannisto & Liimola: OUDB Northern Mansi Corpus. Text ID 1144. Ed. by Janda, Gwen Eva. http://www.oudb.gwi.uni-muenchen.de/?cit=1144 (Accessed on 2024-04-28) |
| akʷ ojk oːli. xuːrəm piɣ onʲsʲi. […] |
| akʷ ojk oːli. xuːrəm piɣ onʲsʲi. xos oːlneːt, waːtʲi oːlneːt xalt akʷ mat eːrt akʷ xaːp juw, loːŋxa minne xaːp. xaːpənəl akʷ xum paɣ mini. paɣ joxtəs. teːɣt, ajeɣt, mujleɣt. anʲ oːlne ojka maːnʲ piɣe saka lʲeːnʲ. teːnutəl nas totawe, kon nas kʷaːlttalawe. ojka laːwi: “am ti piɣm xottalʲ toteːlən! aːnəmn at eːri.” anʲ xum laːwi: “am totiləm.” minuŋk patsiɣ, jomas uːləm luːt waːrssiɣ i minasiɣ. janiɣ xaːpən joxtəsiɣ. xosa ma xosaɣ minijanəl, waːtʲijiɣ ma watʲiɣ minijanəl; woːtim sʲuːliŋ ojka paːlt joxtəst. anʲ paːwlt xosa oːlsət, waːtʲi oːlsət, alsʲlasət. akʷ mat eːrt laːweɣt: “maːŋki minew.” minmiɣtast. ta mineɣt, oːs xosa mineɣt, waːtʲi mineɣt, lujiwoːt ta kem nʲaŋraməs, jaːrtweːst. akʷ maːt uːnleɣt. kyːsʲajiɣ oːlne xumijanəl laːwi: “xuːlpjaŋkʷ kit xum jaleːn!” anʲ piɣrisʲ laːwi: “am oːs mineɣm xuːlpjaŋkʷ.” kyːsʲaje laːwi: “janiɣmamən not palitəl toːrəm lʲeːnʲ xoːn lʲeːn oːlsən, neːmxottalʲ at jalantaːlsən.” “aːtʲim, am, kyːsʲaj, jaleɣm xuːlpjaŋkʷ.” xaːpəl majwəs, tuːpəl majwəs, akʷ sajim xuːlpəl majwəs, taːləs. anʲ xumiɣ mineɣ. taw jujil oːs mini. xaːpəl jaluŋkʷ at xaːsi. xaːp nʲoləŋ oːwlən xajtali, towlasi, xaːp posəm oːwlən xajtali, towlasi. neːmxottalʲ minn ose aːtʲim. minas xotəm kaːsəŋ eːlalʲ. anʲ xumiɣ uːrxateɣ. taw joxtəs tuw. kitiɣlaxti: “tuːr xoːt oːli?” anʲ xummiɣ laːweɣ: “tuːr tij.” xuːlpsait ta kos maːɣi, jola at joxti. tiɣl xanʲsʲite xuːlp uːntuŋkʷe posalən laːwime. tuwl oːs mini xumiɣ paːlt. minas, joxtəs. kitiɣ xuːlp uːnttəmiɣ. “neːn xuːl alasən, aːnəm titteːn!” “meːn xuːl at alasameːn.” taw xuːləp uːnttəs, akʷ tal. xuːl peːriɣl saka. xuːl ta kosa wis, xaːpe taːɣintəs. paːɣ minas. xuːlxaːpe paɣpaːxtəste. naːləwjoxtəs. oːs xuːl wis, xaːpe taːɣintəs, pojtəs. paɣminas. “jejeːn xumiɣ tiɣ!” anʲ xumiɣ paɣjisiɣ. taw laːwi: “am ti xuːlxaːpəm neːn taːltelən!” taːltəsteːn. “tajax juw joxtijin, laːweːn kyːsʲin, neːn ti sʲirəl laːweːn, anʲ piɣrisʲ taw xuːl at alas, xuːl meːn alasameːn, xuːlxaːpəl taːltəslameːn.” minast, joxtəst juw kyːsʲanəl paːlt. teːn potərteɣ: “piɣrisʲ xuːl at alas, xuːl meːn alasameːn. tawe xuːlxaːpəl misləmeːn.” anʲ xummiɣ teːn xuːl alameːn maːɣs kyːsʲajeːn jomas onʲsʲaweɣ. toːrəm jolipal manər teːp, pusən tittaweɣ. anʲ lujwoːt patəs. kyːsʲanəl laːwi: “maːŋki minew!” minmiɣtast. xosa mineɣt, waːtʲi mineɣt, akʷ paːwlən joxtəst. paɣpuːxtast. eːl oːlmajast, alsʲlaŋkʷ patsət. man witxul alsʲleɣt. tuwanəl tox xoli. akʷ mat eːrt anʲ piɣrisʲ laːwi powarojk nuːpəl: “naŋ”, laːwi, “ti paːwəlt akʷ ojka oːli, saːtkeːntup ojka. taw onʲsʲi aːɣi. naŋ jaleːn, xajtaleːlən!” anʲ powarojka i minas. tuw joxtəs, laːwi: “am naŋ paːltən saralaxteɣm, peːrssalaxteɣm.” anʲ ojka uːnli. xos uːnləs, waːtʲi uːnləs, laːwi: “am nʲila kolsaːm woːweɣm.” juː minas powarojka, tumajti: “ti manər sir man nʲila kolsaːm? am oːlməm not palitəl at xuːliɣlasəm, at waːsʲəntasəm.” ta kosa tumajts, at waɣte. tuwl juwsʲaltəs. piɣrisʲ laːwi: “ja xum mus jalasasən?” ”am jalssəm, waːrmalʲ jomas, matər sir nʲila kolsaːm woːwi, am at waɣləm.” “naŋ ojka, matnen mus oːlssən, ti waːrmalʲ at torɣamteɣn. taw anʲ saːtkeːntup ojka taw woːwi nʲilasoːtər solkoːwi.” anʲ piɣrisʲ seːməl uj wiɣr uj nʲilasoːtər solkoːwi moːrtəs miste. puːri teːŋkʷ patsət. teːɣt, ajeɣt. taːn man saːt sis teːst, taːn man joːŋxup sis ajsət, aːstəst. anʲ piɣrisʲ ta moːrtəs jorəŋ, noːŋx nas uːnttalawe, kon nas kʷaːlttalawe. totwes eːkʷate paːlt. akʷan joxtsiɣ, eːl oːlmajassiɣ. taːl tox xolas, tuw tox xolas. toːrəm waːrs takʷs. ujxul punən joxtuwəs. woːrən minuŋk soːntmast. taw anʲ piɣrisʲ laːwi: “am oːs mineɣm.” minuŋk patsət. sun sʲoːpitawəs, sunən nas aːlmuwəs. anʲ saːtkeːntup ojka upe minuŋk pats, mineɣt akʷ jot. xosa mineɣt, waːtʲi mineɣt, akʷ mat eːrt woːrkoln joxtəst. taw maːnʲ upeːn anʲ piɣrisʲ juw nas aːləntawe. noːŋx nas uːnttawe. teːnutəl lʲaːlʲt nas aːləntawe. eːt xujast, toːrəm xoːtləs. saːli puwəŋk jalssət, joxtəst. sunt keːrweːst. sunən nas aːlmuwəs. minmiɣtast. xosa mineɣt, waːtʲi mineɣt, patit woːrkoln joxtəst. juw nas aːlmuwəs, noːŋx nas uːnttalawe. teːnutəl lʲaːlʲt nas aːləntawe. anʲ eːt xujast, toːrəm xoːtləs. anʲ saːtkeːntup upe laːwi kotʲəlʲ piɣe nuːpəl: “woːrən jalen, saːlit oːleɣt. akʷa jaːŋk saːli oːli; naŋ puweːlən waːpsən puŋkjiriɣ!” minas, jaləs, joxtəs, saːli totaste. anʲ waːpse masxats, maːnʲ upeːntəl minasiɣ. anʲ janiɣ upe onʲsʲi puːrlaxtənmaː. minast, tuw joxtəst. puŋk pinsət, naj paːltsət. janiɣ upe saːli ti neːɣəs, saɣrap wis, peːnɣuŋkʷ uːntəs, laːwi: “waːpsəm puŋkjirsaːli naːn puwelən! saːlim aleɣm, waːpsəm aleɣm.” anʲ piɣrisʲ noːŋx lʲuːlʲsiɣ maːnʲ upeːntəl. anʲ saːli nʲaːləl listeːn, alasteːn. teːssiɣ majt, minasiɣ juw. juw joxtsiɣ. anʲ ojka peːnɣənmaːteːnəl aːstəs, sunsi: “saːlite alime. minasiɣ kotʲəlʲ piɣeːntəl juw. joxtəsiɣ. anʲ ojka kantli waːpse nuːpəl. toːrəm eːtʲiməs. teːst ajsət, jolxujast. toːrəm xoːtləs. janiɣ upe laːwi: “minen naŋ xoli jeːrən!” minas. janiɣ upe nʲoːr nuːpəl minas. anʲ piɣrisʲ xosa mini, waːtʲi mini, nʲoxs xoːntas, alaste. nʲaːle xotuːstəste. nʲaːle kinsi: nʲaːle nʲoxəsən towmime, totime. taw jujil ta kojite. xosa mini, waːtʲi mini, jaːn joxtəs. wit ajs, oːs koji. akʷ maːt nʲoxs noːŋxxaːŋkʷəm, nʲaːle xuji. nʲaːle wis, noːŋxalʲ sunsi: nʲoxs uːnli. taw nʲal paːxʷtite. akʷ mat eːrt sunsi noːŋxalʲ: nas aːtʲi uːra, pulʲiɣpaːxʷtəmte. uːra patitnəl jolaneɣləm wojkansaxi, wojkannʲaːra masəm xum. taw anʲ piɣrisʲ laːwi: “wot karek!” laːwi. “mineɣm juw.” ta kosa mini, ta jali, akʷ tuw joxti. tuwl oːs mini, oːs akʷ tuw joxti. tuwl eːlanu minas mosʲ tuwnuw. naj at onʲsʲi. najjiw atəs. pintləsane akʷan naːje paːltneːt xojtəl laːwi: “am ti saːtteːrnap teːrnaŋ naːim paːltne xojtəl ti piniləm. aːnəm aluŋkʷ man kulʲ joxti man matər joxti, tiɣ ul wos juw!” jola xujas. akʷ mat eːrt matart sujteɣt; tuwl oːs akʷa sujti: “naːn”, laːwi, “mineːn piɣrisʲ paːlt, alelən! am wojkan saxi wojkan nʲaːra masəm xum eːlʲaŋ uːram pasəŋ uːram pulʲiɣ paːxʷtuwəs. ti jalpəŋ jaːm wite ajis, maːte jaliɣls, seːməl uj alas, wiɣr uj alas. jiːwe sakʷats. anʲ mineːn, tawe alelən!” tuː minast, joxtəst. taw laːwi: “ti piɣrisʲ maːn aluŋkʷ at weːrmiluw. taw naj paːltəm, akʷ tipəl teːneːt moːrtəs. anʲ piɣrisʲ laːwəm: ’ti najjiw pintlam maːm uːltta jiŋkʷe ul wos weːrmeɣt!’” anʲ piɣrisʲ xuji. anʲ sujtəm utət minast. tuwl ta juipaːlt lujwoːt poxramiɣ jeːmtəs. akʷ matər juw, urjiw sakʷati, woːrjiw sakʷati, tiɣ joxtəs. tuwl anʲ wojkan saxi wojkan nʲaːra masəm xum laːwi: “am ti eːlʲaŋ uːram, pasəŋ uːram pulʲiɣ paːxʷtəste, sakʷataste.” tuwl taw laːwi: “naŋ urutʲsʲi, woːrutʲsʲi joxtəsən. minen, toteːlən ta piɣrisʲ poləmtoːrəm ojk meːŋkʷkanən! tot wos teːwe, ajawe! am ti eːlʲaŋ uːram, pasəŋ uːram nʲaːləl pulʲiɣ paːxʷtəste, sakʷataste. am ti jalpəŋ jaːm wite ajəs, maːte jaliɣls, jiːwe sakʷats, seːməl uj alas, wiɣr uj alas. naŋ toteːlən!” anʲ meːŋkʷən aːlmajawəs, totawe. xosa totawe, waːtʲi totawe, akʷ maːn joxtsiɣ: nʲar naːŋk, nʲar xowt oːltəm (or oːltim) kol. taw ossuwlawəs tuw. anʲ meːŋkʷ minas, taw ta jujipaːlt uːnli. tox uːnlneːt xalt xasapsaiŋ paːlnəl akʷ neː naːluwaɣls. saːn totas, saːnpattat akʷ puːl. taw paːlte uːnttuwəs. taw tumajti: “am ti puːl xum mus urəl teɣləm, akʷ sʲos ul kos towmiləm?” anʲ eːkʷa laːwi: “naŋ tajen! ti puːl naŋ taːjimen at xoli.” ta kosa teːs, akʷ tox xulʲtəs. tuwl anʲ eːkʷa laːwi: “naŋ wos totawen”, laːwi, “ul pilen! naŋ mineɣn, am tax polsʲ toteɣm poləmtoːrəmojkan.” anʲ meːŋkʷojka joxtəs, anʲ piɣrisʲ totwəs poləmtoːrəmojk meːŋkʷkolən. anʲ meːŋkʷət jeːkʷeɣt, kapərteɣt. anʲ eːkʷa jals, polsʲ tots. anʲ poləmtoːrəmojka minas, tuw joxtəs. “naːn, nʲaːwramt, tij manər waːrijin? eːlmxoːlas manəriɣ alilən? taw akʷ tij toːrəm oːluŋk taŋxi.” tuwl anʲ piɣrisʲ kon lʲuːlʲi, poləmtoːrəmojk lʲulʲi, kaːte toːrəm nuːpəl noːŋxalʲ taktəste, laːwi: “numiposaːsʲ, am ti laːwəm laːtɣum naŋ xuːleːlən! ti paːlʲjiwp jiwəŋ woːrt, ti paːlʲpump puməŋ woːrt oːli urutʲsʲi woːrutʲsʲi. taːn aːnəm teːŋkʷ ajuŋkʷ woratijanəl. taːn ti oːlne maːnnəlt jiːwiɣ wos teːleɣt, pumiɣ wos teːleɣt, toːrəm oːluŋkʷ at ke xaːssət!” jiːwiɣ teːləmut jiːwiɣ teːls, pumiɣ teːləmut pumiɣ teːls. tuwl anʲ piɣrisʲ anʲ poləmtoːrəmojkal jomas uːləm waːreɣ. minasiɣ kittiɣ. anʲ piɣrisʲ xosa ma xosaɣ minite, waːtʲi ma waːtʲijiɣ minite. akʷ mat eːrt minneːte xalt anʲ woːtim ojka paːlt joxtəs. teːɣəɣ, ajeɣ. anʲ ojka laːwi: “apiɣkʷe, xotalʲ jalsən?” “am saw totne xum, wosʲ totne xum. akʷ mus oːlne maː janitəl totiɣlawəm. ti sʲirəl ta sʲirəl: akʷ mat jalpəŋ ja oːli, jalpəŋ jaːt wojkan saxi, wojkan nʲaːra masəm xum oːli, taw aːnəm tox sawatite.” tuwl jomas uːləm waːrssiɣ luːtsiɣ, minuŋk pats. anʲ ojka laːwi: “apiɣ, am oːs jaleɣm, naŋ mana xurip tot toːrəm onʲsʲeɣn.” masxatuŋk pats. masxats, aːstəs. minmiɣtasiɣ. xosa mineɣ, waːtʲi mineɣ, akʷ mat eːrt i joxtəsiɣ anʲ wojkan saxi, wojkan nʲaːra masəm xum paːlt. anʲ ojka laːwi: “naŋ ti xumin manariɣ opeːtʲitilən? naŋ ti maːnt toːrəm oːluŋkʷ at ke xaːseɣn, ti jaːn xonal tajax kulʲən wos uːnlawe! pupɣiɣ ul uːnlen, toːrmiɣ ul uːnlen!” tuwl anʲ piɣrisʲ anʲ ojka anʲiɣlaxtsiɣ sipiɣlaxtsiɣ, jomas uləm waːrssiɣ, kittiɣ minasiɣ. anʲ piɣrisʲ minas saːtkeːntup ojka upe paːlt. tuwl joxtəs. pasʲalaxtast luːtsət. xos oːlsət, waːtʲi oːlsət; akʷ mat eːrt piɣrisʲ laːwi: “am mineɣm, amki maːŋ xum, amki witəŋ xum.” tuwl i minuŋk pats, sʲoːpitaxtəs, aːstəs. anʲiɣlaxtast, jomas uːləm waːrsət, minasiɣ eːkʷateːntəl. xosa mineɣ, waːtʲi mineɣ, anʲ ojka paːlt joxteɣ, woːtim ojka. pasʲalaxteɣ, teːɣt, ajeɣt. anʲ ojka laːwi: “naŋ aːnəm waɣlən, am xoːŋxa? am”, laːwi, “naŋ at ke waɣlən, am aːjasojka. naŋ, apiɣkʷe, ti minnen sʲirəl xosa mineɣn, waːtʲi mineɣn, seːməlwitup teːpəŋ taɣtən joxteɣn. xosa mineɣn, waːtʲi mineɣn, taɣtkotʲlʲən joxteɣn. naŋ ta joxtən maːn tarməl toːrəm naŋən laːwi tuw, jalpəŋ maːn.” minas, xosa jis, waːtʲi jis, seːməlwitup teːpəŋ taɣtən joxtəs. anʲ taɣteːt xosa juw, waːtʲi juw, akʷ maːn ti joxtəs. taw ta joxtəm maːte toːrəm laːwəm maː taː. tuwl eːl oːlmais, eːla xuːlmais. teːpəŋ taɣt xuːləŋ taɣt kotʲlʲup xum pupɣiɣ lawwəs, toːrmiɣ lawwəs. anʲtəŋ xaːrəl jirawe, toxəŋ xaːrəl jirawe. |