| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| xuːrəm xum oːleɣt, akʷ aːpsʲirisʲeːn. | northern mansi (NM) | Tasmanov, Jakov | prose (pro) | War Songs - Heroic Songs (her) | 1145 | – | – |
| Text Source | Editor | Collector |
|---|---|---|
| Kannisto, Artturi / Liimola, Matti. 1951. Wogulische Volksdichtung II, pp. 120-126 | Liimola, Matti | Kannisto & Liimola (KL) |
| English Translation | German Translation | Russian Translation | Hungarian Translation |
|---|---|---|---|
| "A Boy Hated by his Older Brothers Carries a Wild Animal out of the Sosva and Becomes a Protective Spirit." | "Ein Junge, den seine älteren Brüder hassen, trägt ein schädliches Tier aus der Sosva und wird Schutzgeist." | – | – |
| by Kannisto, Artturi |
| Citation |
|---|
| Kannisto & Liimola: OUDB Northern Mansi Corpus. Text ID 1145. Ed. by Janda, Gwen Eva. http://www.oudb.gwi.uni-muenchen.de/?cit=1145 (Accessed on 2024-04-29) |
| xuːrəm xum oːleɣt, akʷ aːpsʲirisʲeːn. |
| xuːrəm xum oːleɣt, akʷ aːpsʲirisʲeːn. anʲ aːpsʲiteːn, toːrəm waːrəm xoːtal naj paːltiɣleɣ, aːrasʲ xuːlʲəm xalt xujanti. tuwl moːt xoːtal xoːtli, oːs akʷ tox. akʷ xoːtaliɣ jeːmtəs, kaŋkaɣe laːweɣ: “meːn toːrəm waːrəm xoːtal naj paːltiɣlimeːn, najmeːn taw xotxariɣtite“, laːwi. teːn wisteːn, kit owleːnəl aːlmajasteːn, kona sʲeːltəmtasteːn. tuwl wissiɣ, lʲaŋkʷi kona sʲeltəmtasteːn. tuwl anʲ lʲaŋkʷisupe wis, xotalʲ nomte pats, xotalʲ tumaje joːŋxks, tuwlʲe minas. xosa mini, waːtʲi mini. tox minneːt xalt eːkwajiːwəŋ ojkajiːwəŋ suːin xoːntxats. taw anʲ suːjeːt nomte xum mus pats, tumaje xum mus joːŋxs, ta saɣri. tuwl tox xosa saɣrəs, man waːtʲi saɣrəs, anʲ kole ti aːstəs. man eːt xujas, man xoːtal oːls, tuwl akʷ xoːtaliɣ jeːmtəs. tumajts, tumajts, nomt xoːntəs. masxats, pinxats, aːstəs. kole jore sʲoːpitaste, luːtaste, minas. xoːtalʲ oːln naiŋ maː, oːtrəŋ maː akʷaɣ jaləste. man xosa jalasəs, man waːtʲi jalasəs, man naj xoːntiɣls, man toːrəm xoːntiɣls, manər pəl xoːntiɣls, akʷaɣ pojksʲes. minas juw. juw joxtəs, laːwi: “soːrnʲipos soːrnʲiaːsʲ, koləmn joxtuŋkʷe toːrəm laːws.” koleːn joxtəs, eːl oːlmais. xosa oːls, waːtʲi oːls, tumajti: “am anʲmuːnt xottalʲ wos jalnuwəm.” akʷ xoːtaliɣ jeːmtəs. masxats, pinxtas. kʷaːls kona, kole jore sʲoːpitaste, minas. xoːtalʲ oːlne naːjəŋ maː oːtrəŋ meː akʷaɣ jaləste. tuwl saːt ma saːmnəl tuːlmantəs saːt neː, totsane juw koleːn. tuwl saːt paːl waːrs, kole saːt seːrekeːnəl sʲowaləl tuːsʲtəste. saːt puːt jowtəs, saːt aːni waːrs; akʷ toriɣ teːŋkʷ uːnteɣt, saːt ne saːt man uːnteɣt. tox xos oːleɣt, waːtʲi oːleɣt. akʷ mat eːrt anʲ piɣrisʲ kaŋkaɣe laːweɣ: “meːɣi woːrən minimeːn!” sʲoːpitaxtsiɣ luːtsiɣ. aːstəsiɣ, minmiɣtasiɣ. koleːnəl kona kʷalsiɣ, mineɣ. xosa xartxateɣ man waːtʲi xartxateɣ, anʲ aːpsʲiteːn kol uːnttəm suːin joxtəsiɣ: paːwl janit, uːs janit akʷ kol. kol aːwisuːntən joxtsiɣ, juwsʲaltsiɣ. laːweɣ: “aːpsʲi, naŋ oːs woːrən mineɣn?” aːpsʲiteːn laːwi: “os xum, am mineɣm.” sʲoːpitawəs eːkʷaneːn. aːstəs, minuŋkʷe patəs. eːkʷane nuːpəl laːwi: “xosa toːrəm, waːtʲi toːrəm jaleɣm. liliŋtaɣl joxteɣəm ke, ta joxteɣm, anʲmaləŋ at ke joxteɣm, am naːnan saːt ma saːmnəl totiɣlasanəm, saːt ma saːmn juːmineːn!” tuwl i minas kaŋkaɣe jot. xosa minast, waːtʲi minast, nʲoxslʲoːŋx xoːntsət. kaŋkaɣe laːweɣ: “aːpsʲikʷe, minen! nʲoxs aleːlən!” taw i minas. nʲoxse paːlt joxtəs, nʲoxs numən uːnli. ti xal aluŋkʷe, ti xal saːlʲ. tuwl kaŋkaɣe nuːpəl xuːntli. kaŋkaɣe sujteɣ laːweɣ: “meːn”, laːwi, “anʲ tajax taːlkan sʲoːpitanmaːn joxtimeːn, xujn oːlne maː sʲoːpitimeːn. puːttuːr waːruŋk patimeːn, tawe uːnttilameːn mojtuŋkʷ. mojt mojtneːte xalt, eːriɣ eːrɣəneːt xalt meːɣi tawe alilameːn, eːkʷane meːnameːn xulʲteɣt.” anʲ aːpsʲiteːn xuːntələs. nʲoxse alas. jis. tiɣ joxtəs. mineɣt. xosa mineɣt, waːtʲi mineɣt, anʲ sossamtan maːnnəln ti joxtəst. xujne oːlne maː sʲopitaŋkʷ patsət, sʲopitast, aːstəst. ulʲjiw atsət, puːt waːruŋk patsət. mojtuŋk uːnttuwəs, mojti, eːrɣi. mojtneːt eːrɣəneːt xalt akʷ kaŋke paɣlʲe laːsʲxats, akʷ kaŋke puːt waːri. tuwl saɣrap wissiɣ. kos saɣrapasteːn, at lʲikmuwəs, sʲownaxne xuril tilamləs, weːk minas. xosa minas, waːtʲi minas, toːrəmn xoːjam, maːn xoːjam janiɣ naːŋkurən joxtəs. tuwl oːs toːrəmn xoːjam, maːn xoːjam janiɣ naːŋk. janiɣ naːŋk kotʲlʲeːt onʲsʲi umi. taw tuː minas, ta naːŋkumin sʲaltəs. saːt taːl, saːt tuw tot xujas. akʷ mat eːrt xuːntli: a man woːt xoːjas, maː tarɣi. uminəl kona kʷaːls, jolalʲ sunsi: “maːt ta xojtəl mir atxatmət. xoltalʲ oːlne towləŋ toːrəm, xotalʲ oːlne laɣləŋ toːrəm, pusən atxatmət. taw nuːplə pojksʲeɣt: “naŋ anʲmuːnt”, laːwi, “nomtən ke xulʲiɣlanuw, numitoːrəm aːsʲən paːlt, numitoːrəm jaɣən paːlt wos jalnuwn! maːn ti pojkən pojkuw naŋ xuːleːlən! maːn numitoːrəmn neːmat joxtən pisʲuw aːtʲim. ti maː janitəl rusʲ oːli, manʲsʲi oːli, teːtaːl ajtaːl ti uːsəɣt. aːsiɣ taɣtiɣ uːin uːlt uːntwesiɣ, neːmat urəl witxul at pasapi, woːruj at pasapi. naŋ anʲmuːnt wos jalnuwn numitoːrəm aːsʲən paːlt!” taw i minas. saːt taːl, saːt tuw xaːŋxəs noːŋxa, numitoːrəmn joxtəs. aːsʲe oːlne surme xoːnttaːl, aːwit xoːnttaːl keːrkolən, aːxʷtaskolən joxtəs. aːwi puːnsəs, juw sʲaltəs, puŋk pinas. maːn xujas: “soːrnʲi pos, soːrnʲi aːsʲ, pasʲa!” mosʲ oːs tiɣnuw lakʷasəs, oːs lʲaːɣaləs: “soːrnʲi pos, soːrnʲi aːsᶨ, pasʲa!” aːsʲe uːnli, soːrnʲiŋ neːpak xansi. xuːrmittiɣ lakʷasəs pasan oːwln: “soːrnʲi pos, soːrnʲi aːsʲ, pasʲa!” maːn xujas. ”noː”, laːwi, “sornʲi pos, soːrnʲi aːsʲ!” laːwi. ”jolən naŋ laːwm rusʲ mirən, naŋ laːwm maːnʲsʲi mirən teːtaːl, ajtaːl ti uːseɣt. aːsiɣ taɣtiɣ jalpəŋ uin uːltta uːntwesiɣ. naŋ ta sawəŋ mirən, naŋ ta woːsʲəŋ mirən teːpsaw toteɣt, witsaw toteɣt. manʲsʲi mirən maː janitəl toxəŋ xaːr anʲtəŋ xaːr jirəl eːte jirawen, xoːtale jirawen, rusʲ mirən naŋən eːte pojksʲeɣt, xoːtale pojksʲeɣt, isʲweːsʲa tuːsʲteɣt naŋ torɣələn. soːrnʲi pos, soːrnʲi aːsʲ, maːnaw ontasteːlən!” kaːte sʲeːpən maːɣintəs, mis tuw, laːwi: “anʲ minen, jalen!” taw puŋk pinəs, maːn xujas, minas. xosa minas, waːtʲi minas, jolitoːrəmn joxtəs. anʲmuːnt manər mir atxatmət, anʲ oːs ta konipal saːw mir atxats. taw joxtəs tuw. taw nuːpəle pojksʲeɣt, puŋk pineɣt, maːn xujeɣt. ”naŋ muːnt ti uj xottalʲ wos totnuwlən!” taw i minas. tuw joxtəs. uj noːŋx aːlməste jomas keːmən. tuwl akʷ tuw taːrataste. tuwl eːla jals, oːs akʷ tuw minas. noːŋxaːlməste, jomas keːmən noːŋxaːlmalaste, oːs pinəste jol. eːla jaləs, oːs akʷ tu minas. aːlməste akʷaɣ noːŋx. totaste. xosa totaste, waːtʲi totaste. man sʲarsʲ xoːntəs, man tuːr xoːntəs, tuw ta taːrataste. minas juwlʲe. joxtəs mire paːlt. mire pojksʲeɣt taweːn, puŋk pineɣt, maːn xujeɣt. ”xotalʲ oːlne towləŋ toːrəm, laɣləŋ toːrəm konipaːl naŋ janiɣ wos oːsən!” tuwl i minas numipos aːsʲe paːlt. noːŋx aːsʲe paːlt joxtəs. |