| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| anʲsʲəx joɒ̯ aŋkəʃk olsəɣ | pelym mansi (PM) | Ljalkin, Andrei Petrovich | prose (pro) | Tales (tal) | 1264 | glossed | – |
| Text Source | Editor | Collector |
|---|---|---|
| Kannisto, Artturi - Liimola, Matti (1956): Wogulische Volksdichtung gesammelt und übersetzt von Artturi Kannisto, bearbeitet und herausgegeben von Matti Liimola. III. Band. Märchen. In: Mémoires de la Société Finno-Ougrienne, 111. Helsinki: Suomalais-Ugrilainen Seura, 139-148. | Liimola, Matti; Kuzjomkin, Andrei Aleksejevich | Kannisto & Liimola (KL) |
| English Translation | German Translation | Russian Translation | Hungarian Translation |
|---|---|---|---|
| "There was an old man and an old woman" | – | – | – |
| by Riese, Timothy |
| Citation |
|---|
| Kannisto & Liimola 1956: OUDB Pelym Mansi Corpus. Text ID 1264. Ed. by Eichinger, Viktória. http://www.oudb.gwi.uni-muenchen.de/?cit=1264 (Accessed on 2024-04-29) |
| anʲsʲəx joɒ̯ aŋkəʃk olsəɣ |
| anʲsʲəx joɒ̯ aŋkəʃk olsəɣ . kurəm oɒ̯ɣ ænʲsʲiːɣə . jænɨɣ oɒ̯ɣeæ̯t kæmkə tuʃləx keːtiːtə . iləlʲ mins , atʲ mænər at was . pærkajti , moːrʲə wɘːteæ̯t kælʲ wunli . koɒ̯təɣ polʲwəɣ , iʃtaxtəx jywtuːjeæ̯ps . jyw kæʃ tuːji joɒ̯ ʃalʲjyw lajləŋ koɒ̯təŋ anʲsʲəx jalloɒ̯li . isʲoɒ̯ minx intəs . tæw jeæ̯pt nʲerəmtəs joɒ̯ ɘːweæ̯t lʲæptuːnʲsʲpəstə . isʲoɒ̯nə kæn at toɒ̯rətiːtə , latti :“ amnoɒ̯m kɨməjeæ̯n , at eæ̯liːləm , at kɨməjeæ̯nkəl , eæ̯liːmə .” isʲoɒ̯ kɨmeæ̯is teæ̯wəteæ̯n . anʲsʲəx kæʃ uːrs uːrs , oɒ̯ɣeæ̯t oɒ̯tʲəm . mojət oɒ̯ɣeæ̯t toɒ̯r oməlʲti :“ næɣ min , kætəlʲ jæɣoɒ̯ɣn mins !” isʲoɒ̯ kajtəs kæmkeæ̯n tuʃləx . iləlʲ kajtəs , æktʲok atʲ mænər at was . pærkajti , koɒ̯təɣ polʲwəɣ . oːs kælʲ ʃæmnə tʲi pættəstə . “ kon mænər oːli ”, latti , “ iʃtaxtəx jywtuːjipalləm .” kæʃ jywtuːjeæ̯pi joɒ̯ : jæɣoɒ̯ɣeæ̯t tætʲ wunli . “ næɣ ”, latti , “mænər woɒ̯rəm titʲ wunlɘɣn ?” jæɣoɒ̯ɣeæ̯t oməlʲtəs :“ næɣ pəl at minɘɣn ”, latti . isʲoɒ̯ minx intəs , anʲsʲəx jeæ̯pt nʲirəmtəs , ɘːwsutnə tuːnʲsʲpəs , at toɒ̯rtiːtə , latti :“ amnoɒ̯m kɨməjeæ̯nkəl , lælən toɒ̯rtiːmə , at kɨməjeæ̯nkəl , eæ̯liːləm .” “ min ækeæ̯t kumlʲə kɨməjiːmə ?!” jæloːlt at taŋkəs , tæw jeæ̯pt jætəl koloweæ̯t lʲæptuːnʲsʲpəstə , at toɒ̯rtiːtə . isʲoɒ̯tə kɨmeæ̯is oːs , kit want i wis anʲsʲəx . anʲsʲəx uːrs , uːrs , moːt isʲoɒ̯ɣeæ̯t oɒ̯tʲəm . jiɣoːl isʲoɒ̯ɣeæ̯t toɒ̯r latti : “ min , kætəlʲ jæɣoɒ̯ɣəɣ minəsəɣ , wytʲnə pætsəɣ mæn os jalpʲyymlowəsəɣ !” isʲoɒ̯ kajtəs kæmkə tuʃləx . kæʃ joxti joɒ̯ jæɣoɒ̯ɣəɣ tætʲ oɒ̯tʲəməɣ . pærkajti , kælʲ wunli . “ sar ”, latti , “ iʃtaxtəx jywtuːjəpoɒ̯lɘɣm .” kæʃ jywtuːji joɒ̯ : jæɣoɒ̯ɣəɣ tætʲ wunliːɣə . tæw jæɣoɒ̯ɣəɣ toɒ̯r korəltaxtəs :“ nin ”, latti , “ mænər woɒ̯rəm titʲ wunliːnə ?” anʲsʲəx oːs jeæ̯pt jætəl koloweæ̯t lʲæptunʲsʲəlmæntəstə . isʲoɒ̯ minx weæ̯reæ̯ti . anʲsʲəx latti :“ kætəlʲ minɘɣn ? amnoɒ̯m kɨməjeæ̯nkəl lælən toɒ̯rtiːmə , atkə kɨməjeæ̯n , tak eæ̯liːləm .” isʲoɒ̯ kæʃ neːrs neːrs jiɣoːlt kɨmeæ̯is , ko taki . anʲsʲəx wornə minx tʲ intəs . jænɨɣ jeːkeæ̯t jalpoɒ̯lnə tʲi joːms . latti :“ am pærjoxtnəm moʃ mænər woɒ̯rɘɣn ?” latti . “ am ”, latti , “ nænoɒ̯n ʃɘːt tælʲ toːrəl woɒ̯riːləm .” mojət jeːkeæ̯t palt joːms . “ næɣ ”, latti , “ am joxtnəm moʃ mænər woɒ̯rɘɣn ?” “ am ”, latti , “ næɣ joxtnən moʃ ʃɘːt tælʲ kulpəl woɒ̯riːləm .” jiɣoːl jeːkeæ̯t palt joxts . “ næɣ ”, latti, “ am joxtnəm moʃ mænər woɒ̯riːlən ?” “ am ”, latti , “ næɣ joxtnən moʃ nænoɒ̯n pʲywəl ponʃtiːləm . koɒ̯təɣ peæ̯snəx kuːr moʃ ollənkarəɣ intiːɣə , lajləɣ ʃanʃpæŋk kuːr moʃ ollənkarəɣ intiːɣə , wælʲteæ̯t palt kotəl inti , sʲopreæ̯t palt joŋkəp .” anʲsʲəx mins worəjəx . jænɨɣ jeːkeæ̯t ʃɘːt tælʲ toːr woɒ̯rs , mojət jeːkeæ̯t ʃɘːt tælʲ kuːlp woɒ̯rs , jiɣoːl jeːkeæ̯t pʲyw ponʃtəs : koɒ̯təɣ peæ̯snəx kuːr moʃ ollənkarəɣ , lajləɣ ʃanʃpæŋk kuːr moʃ ollənkarəɣ , wælʲteæ̯t kotəl , sʲopreæ̯t joŋkəp . tæ neːɣəɣnə sawiːtn inʲtəs , ʃto pʲyw ponʃtəs : tæw jeːrptəx intow , tækarəɣ at itwəɣ , pʲyw at ponʃtəsɣə . pʲyw ponʃtəm neː jal i oːjows , tʲikarəɣ isʲkum kottuləmtəseæ̯n i moːrʲə keːn noɒ̯lwaxtʲseæ̯n . tʲi neːnə isʲoɒ̯mppʲywəl joɒ̯ ʃakəlʲəxpʲywəl punnəmtəseæ̯n . no anʲsʲəx wor poɒ̯l jyw tʲi joxts . jænɨɣ jeːkeæ̯t jalpoɒ̯ln tʲi joːms . “ næɣ ”, latti , “ mænər woɒ̯reæ̯sən amnoɒ̯nəmnə ?” tæw ʃɘːt tælʲ toːrəl anʲsʲəkəteæ̯n tatəstə . mojət jeːkeæ̯t jalpoɒ̯ln joːms . “ mær woɒ̯reæ̯sən am joxtnəm moʃ ?” mojət jeːkeæ̯t ʃɘːt tælʲ kulpəl tatəstə anʲsʲəkəteæ̯n . jiɣoːl jeːkeæ̯t palt joːms . “ næɣ ”, latti , “ mær ponʃteæ̯sən amnoɒ̯nəmnə ?” jiɣoːl jeːkeæ̯t palt isʲoɒ̯mppʲyw joɒ̯ ʃakəlʲəxpʲyw kui . tæw jeːkəteæ̯n nʲærəmtəstə , koɒ̯teæ̯n lajleæ̯n ʃupneæ̯kətəseæ̯n . kæn tatəstə , moːrʲə wɘːteæ̯n waxtʲəstə . neː tawaj koɒ̯tʲəlʲwytʲəl særtlaxtəx . særtlaxtəs , særtlaxtəs : koɒ̯teæ̯n lajleæ̯n nuŋk tʲæ jelteæ̯st . tʲi isʲoɒ̯mppʲyweæ̯t jætəl moːrʲə wɘːtə koʃt i joːmeæ̯səs . tawaj kælʲkoːlə woɒ̯rx teæ̯kteæ̯n ! kælʲ woɒ̯rs teæ̯kteæ̯n oːlx . æk mæt sʲitəl isʲoɒ̯mppʲyweæ̯t alkætəlʲ jælənti . isʲoɒ̯mppʲywəteæ̯n teːnəl tatəlow . æk mæt sʲitəl isʲoɒ̯mppʲyweæ̯t teːnə tatələx at intəs . “ næɣ ”, latti , “ mæn oɒ̯məl oɒ̯nəm eæ̯nʲ teːnəl at tatəliːnə ?” sʲisʲeæ̯t latti . isʲoɒ̯mppʲyw tæw toɒ̯reæ̯t i oməlʲti :“ mæn oɒ̯məl am teːn at tatəlɘɣm ? kotəl peæ̯lt jannɘɣm , moːrʲə keːrpoɒ̯l maɣnəŋ mæt isʲkum nuŋkkoɒ̯leæ̯pi , jannəm tʲi neːriːmə kotəl .” sʲisʲeæ̯t nomsəx intəs . isʲoɒ̯mppʲyw mins , sʲisʲeæ̯t kilʲtoɒ̯l jiɣxt leæ̯kkats , kottujtkats , wuntəs . æk mæt sʲit ʃunʃi : moːrʲə keːrpoɒ̯l isʲkum nuŋk tʲæ kulʲlʲəmtəs . isʲoɒ̯mppʲyw jætəl jannəx i tultkatsəɣ . neː kæʃ soːneæ̯ts : teæ̯k pʲyweæ̯t ! neː moːt kotəl kurəm iʃʃankə woɒ̯rs . teæ̯k sʲuxutʲeæ̯t posəs iʃʃankət keːn . koːlteæ̯n pʲyweæ̯t nuŋkkalnə jalpoɒ̯ltə iʃʃankeæ̯n tow tʲæ wuttəseæ̯n jannənmɘːnə . teæ̯k kottujtkats tow wætʲtʲə . æk mæt sʲit pʲyweæ̯t nuŋk tʲi kulʲlʲəmtəs isʲoɒ̯mppʲyweæ̯t palt . jannəx tultkatsəɣ . isʲoɒ̯mppʲyw iʃʃank palt joxteæ̯ps . isʲkumnə reːtetoɒ̯liːtə : “ ʃuʃkən , eæ̯təŋ sʲuxutʲ oɒ̯ʃəx konteæ̯səm iʃʃank keːt !” isʲkum tʲɨɣ i joxts . isʲkum æk poːr sʲokəsoɒ̯ls , latti :“ sʲisʲəm eæ̯teæ̯t tʲitʲ oɒ̯l peæ̯ʃi .” isʲoɒ̯mp oːs moːt iʃʃank koːntpəs , latti :“ tʲitʲ oːs eæ̯rɨɣ eæ̯təŋ oɒ̯ʃəx .” isʲkum tow joxts , eæ̯iloɒ̯li :“ iː ”, latti , “ sʲisʲəm eæ̯teæ̯t tʲitʲtʲə peæ̯ʃi alkoːt .” isʲoɒ̯mppʲyw oːs kurmt iʃʃank koːntpəs ta puːinnʲyw . “ ʃuʃkən , tʲitʲ oːs eæ̯rɨɣ eæ̯təŋ sʲuxutʲ oɒ̯ʃəx !” isʲkum jæt tex i wutsəɣ . sʲisʲeæ̯t ton ront leæ̯kkats kilʲtoɒ̯l . rottən tʲæ puɣstə pʲywəteæ̯n . puɣstə , teæ̯k kælʲkoːleæ̯t keːn jyw tʲi tatəstə . isʲkum oməlʲti :“ am næɣ pʲywn at oːsəm .” sʲisʲeæ̯t latti :“ næɣ am pʲywəm oːsən , am ponʃtəmkarəm . am ponʃtəm pʲywəm at oːsənkəl , næɣnoɒ̯n tæ mullə wuttiːmə , amk tʲi wuttə wuttəm . am næɣnoɒ̯n sʲuxutʲəl posəsiːləm sʲeæ̯kəm poɒ̯l . am ponʃtəm pʲywəm oːsənkə , næɣ tuːsən keːn peæ̯ti .” tʲɨɣl poseæ̯ls , pʲyweæ̯t tus keːn peæ̯ts . pʲyweæ̯t tæ sʲit oməlʲtəs , latti :“ ʃoːlʲ , am næɣ pʲywn tʲi oːsəm . eæ̯nʲ waʃkeæ̯n oːlx kælʲ woɒ̯riːmə .” isʲkum pɘːmins ,polʲ kuʃeæ̯ts , isʲkærkəɣ pælʲkaltələstə . pæŋkeæ̯t koŋkə waxtʲəstə , teæ̯k tʲ oməlʲtəs , latti :“ olp mæt kum ittəmkəl , nʲixnə kot tælʲ kælʲ wuntə , kosʲnə soɒ̯t tælʲ kælʲ wuntə !” nʲixnə kot tælʲ kælʲ wuntəs , kosʲnə soɒ̯t tælʲ kælʲ wuntəs . tæw tʲi koɒ̯ʃəlows tʲiɣ isʲkum . “ peʃ waʃkeæ̯n wor oːls , eæ̯nʲ “, latteæ̯t , “ kon tʲimnʲəŋ kælʲpɘːwl wuttəs ?” karoɒ̯p tʲæ mini , waːtakum . “ sar ”, latteæ̯t , “ kon mær tʲimnʲəŋ oːli , ʃunʃəx pɘːkoːiliːwə !” kæʃ pɘːkoːjeæ̯t joɒ̯ : tʲimnʲəŋ kum oːli , wælʲteæ̯t kotəl , sʲopreæ̯t joŋkəp , koɒ̯təɣ peæ̯snəx kuːr moʃ ollənkarəɣ , lajləɣ ʃanʃpæŋk kuːr moʃ ollənkarəɣ . mæn karoɒ̯p at jeæ̯jænti , pɘː tʲi koːjɘɣt tæw palteæ̯ttə ; mæn tawoɒ̯r tatɘɣt , ʃok kæn tʲæ jowtijeæ̯n . waːtakumt ilʲminɘɣt joɒ̯ anʲsʲəx toɒ̯r tʲ oməlʲtɘɣt :“ mænər sir tʲimnʲəŋ poːi intəs ?” anʲsʲəx latti :“ sar am ʃunʃəx jeæ̯lɘɣm .” aŋkəʃkeæ̯t oməlʲti :“ tʲitʲ mæn sir poːi nʲiːrsʲ ?!” latti . moːrʲə oɒ̯ləmpoɒ̯ltə wot uʃ poːi oːli . kysnuseæ̯t jalpoaltə wæʃkə tunʲsʲi , wæʃk onʲtəɣ kaltə poɒ̯nʲə . mɘːkəm joxteæ̯t , poɒ̯nʲə kænpæɣlɘɣt joɒ̯ tont kælʲ keːn jywtuːɣt .” isʲkum , mɘːkəm jalkujeæ̯st , kænkoɒ̯ls , ʃunʃkatnəkisɨɣ wis , koɒ̯teæ̯t keːrpoɒ̯l moːt koɒ̯teæ̯t keːn roɒ̯wləstə , latti :“ sluʃanka , sasluʃiː ! am nuŋkkalnəm moʃ poɒ̯nʲə wæʃkeæ̯t jætəl tʲɨɣ inteæ̯t !” koːlteæ̯n kæʃ nuŋkkoɒ̯li joɒ̯ poɒ̯nʲə kysnus jalpoɒ̯lt intəs . oːs mini karoɒ̯p . oːs pɘː tʲi koːjeæ̯st . pɘːkojsət , poɒ̯nʲə pæɣleæ̯st joɒ̯ inʲsʲət jywtuːst kælʲ keːn . oːs tʲi poɒ̯l ilʲmineæ̯st . oːs tæ anʲsʲəx palt joxteæ̯st . oːs oməlʲtɘɣt :“ mænər sir tʲimnʲəŋ poːi intəs ? mɘːkəm joxteæ̯t , poɒ̯nʲə pæɣleæ̯t , inʲsʲət jywtuːɣt !” anʲsʲəx latti :“ sar jeæ̯lɘɣm tow ʃunʃəx .” aŋkəʃk latti :“ mæn poːi tʲitʲ ?! moːrʲə oɒ̯ləmpoɒ̯ltə oːli poːi : kysnuseæ̯t jalpoɒ̯ltə kɘːlʲ tunʲsʲi , kykəx lujəntakeæ̯t ʃanʃpæŋknə olən tunʲsʲpænti .” tʲi kumnə oːs kɘːlʲ oxoːtə tastawajtəx teæ̯k palteæ̯tnə . toːrəm jaljiŋkəs , mɘːkəm jalkujeæ̯st . tæw ʃunʃkatnəkisɨɣeæ̯t wis , kænkoɒ̯ls joɒ̯ moːt koɒ̯tpætʲtʲeæ̯t poɒ̯l moːt koɒ̯tpætʲtʲəteæ̯n roɒ̯wləstə , latti :“ sluʃankət , am nuŋkkalnəm sʲitəl kɘːlʲ am kysneæ̯səm jalpoɒ̯ltə inteæ̯t !” koːlteæ̯n kæʃ nuŋkkoɒ̯li joɒ̯ : kɘːlʲ tæw kysneæ̯seæ̯t jalpoɒ̯ltə . oːs karoɒ̯p mini moːrʲə keːt . oːs pɘː koːjeæ̯st : kysnus jalpoɒ̯lt kɘːlʲ , kykəx lujəntakeæ̯t ʃanʃ tunʲsʲətnə olən tunʲsʲpænti . wæʃkə onʲtəɣ kaltə poɒ̯nʲə . poɒ̯nʲə pæɣleæ̯st joɒ̯ tont jyw tuːst kælʲ keːn . oːs tæ mineæ̯st tʲiɣ ansʲəx palt joxteæ̯st . “ no uʃ ”, latteæ̯t , “ mæn sir tʲimnʲəŋ poːi ! joxtɘɣn , kysnus jalpoɒ̯lt kɘːlʲ tunʲsʲi , kykəx lujəntakeæ̯t ʃanʃ tunʲsʲətnə olən tunʲsʲpænti . wæʃkə onʲtəɣ kaltə poɒ̯nʲə , pæɣlɘɣn , inʲsʲət jywtuːn .” anʲsʲəx latti :“ ʃunʃəx jeæ̯lɘɣm , mæn sir tʲimnʲəŋ poːi teːls .” anʲsʲəx tow tʲi mans . kæʃ joxti joɒ̯ ʃeæ̯məɣ nuŋk at leæ̯piːɣə . pʲywəteæ̯n wiws tixtəx , sʲisʲeæ̯t kæʃ oːsʲtoɒ̯ls . |