| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| ɬɐːpət qɒːt puːβəɬ | paasonen yugan khanty (PA) | prose (pro) | Tales (tal) | 1313 | by Schön, Zsófia | Audio |
| Text Source | Editor | Collector |
|---|---|---|
| Vértes, Edith (2001): Heikki Paasonens surgutostjakische Textsammlungen am Jugan. Neu transkribiert, bearbeitet, übersetzt und mit Kommentaren versehen von Edith Vértes. In: Mémoires de la Société Finno-Ougrienne, 240. Helsinki: Suomalais-Ugrilainen Seura. 67--92. | Vértes, Edit | Paasonen (PA) |
| English Translation | German Translation | Russian Translation | Hungarian Translation |
|---|---|---|---|
| "The Village with Seven Houses" | "Das Sieben-Haus-Dorf" | "Деревня из семи домов" | "A hét házas falu" |
| by Eckmann, Stefanie | by Vértes, Edit In: Vértes, Edith (2001): Heikki Paasonens surgutostjakische Textsammlungen am Jugan. Neu transkribiert, bearbeitet, übersetzt und mit Kommentaren versehen von Edith Vértes. In: Mémoires de la Société Finno-Ougrienne, 240. Helsinki: Suomalais- | by Snigirev, Yury | by Csepregi, Márta |
| Citation |
|---|
| Paasonen 2001: OUDB Yugan Khanty (1901) Corpus. Text ID 1313. Ed. by Schön, Zsófia. http://www.oudb.gwi.uni-muenchen.de/?cit=1313 (Accessed on 2024-04-28) |
| ɬɐːpət qɒːt puːβəɬ |
| 1. əj mət ɬɐːtnə ɬɐːpət qɒːt puːβəɬ βɑɬɬ. ɬɐːpət qɒːt puːβəɬnə əj tʃeːfkŋ qoː. pɐː jɐːɣ tɐːsəŋ jɐːɣ, əj qoː keːnʲɐr qoː. iːttən ɬiːt-ot əntem, ɐːɬəŋ ɬiːt-ot əntem. nʲeːβrem ɐːr tɑjɐɬ. βɒːjəx quːɬ kənʈmin kɵtʃ jɑŋqɯɬəɬ, əj mətɬ əntem. teːm mətɐ səββəsnə βɒːjəx kəntʃtʃɐːə tɐːsəŋ jɐːɣ məntsət. əj jotɐ məntsət, keːnʲɐr ɬɵβənɐm mənnəs. mənnəs, mənnəs, əj tɐːənə qɒːɬəs, kɐːt tɐːənə qɒːɬəs, qoqqənɐm məntɬ βɒːjəx kəntʃtʃɐːə. mən, mən, əj ɬɐːtnə torrem pəttəɣɬəɣ. əj sɐːrnɐm məntɬ. əj ɬɐːtnə tʃəkkə pəttəɣɬəɣ. ɬʲɐːnʲtʲ puːl ɬiːβmin soːtʃɬ sɐːrnɐm. tʃəkkə mɛttəs. joβənɣə jəɣ, βont ontnə məntɬ. 2. tʲi mən, tʲi mən. əj tɐːənə qɒːt ɐːməstɬ. toβə joβtəs tʲuː qɒːtɐ. jɑqqə ɬɑŋɐs. təββət juːβ kɵtʃ kənʈɬ, təββət juːβ əntem, tʲoβɐl-tuːŋqnə rɵβipəs, rɵβipəs, tontəɣ ojəɣtəs. təββət βɛrrəs. ɬeːəɬəɬ. qɒːt ɬəɣpiːnə qɑɬi tot ɐːɬɐɬ. ɬɵβ pəɬtɐːə jəɣ. nɐːjnɐm ɒːməstɬ səjɬək kəjɬəɣ ɒːməstɬ. 3. əj ɬɐːtnə tʲuː qɑɬi noq ɯːmɬəs. „ɬɐːpət qɒːt puːβəɬnə βɑɬtə keːnʲɐr qoː, məβəɬi kəntʃtʃɐːə jəβən?” „βɒːjəx kəntʃtʃɐə jəβəm.” „βɒːjəɣ βɛɬɬən?” „əntɐ, βɒːjəɣ əntə βɛɬɬəm.” „oːs məβəɬi kəntʃtʃɐːə təɣɣə jəβən?” „pəttəɣɬəɣ. qɒːt əntə uːjəm mɐː, miːɬpnɐm təɣɣə joβətsəm.” „qoɬtɐːəɬ qoɬnɐm mənɬən?” ɬɵβ səjɬək kəjɬəɣ ɐːməstɬ. „səmɐ βɛɬɬi, qɒːt tom pɛlləkɐ jɑŋqɯɬɐ. tot nʲɯːtʃi mətɐ ɬiːt-ot ojəɣtəɬɬən.” „puːt əntə tɑjɬən?” „mɐː quːtəmnə puːt tɑjɬəm. səmɐ βɛɬɬəŋ, puːt βərrəntɐːə. puːt βərrəntəttə tɐːəji məβ ɐːrit ɬiːt-ot qɯːtʲɬʲ, qoɬtɐːəɬ məntɐ ɬɐːtnə joːtɐ tuːiɬɐ!” „qɒːtʲɐ mətɐ βɒːjəɣ əntə βɛɬɬən? mɛttəm qoː βoːsən. ɯːɬə ɐːɬintɐ!” ɯːɬə ɐːɬintəs. ɐːɬɐs, ɐːɬɐs. əj ɬɐːtnə torrəm qotɬəs. noq kiːɬəs. keːm mənnəs. ɐːβɬəɬɐ ɬiːt-ot keːm tustɬ, ɐːβɬəɬɐ pɑntsəɬɬ. tʲuː qɑɬi pɐːnə ɯːɬə ɐːɬintəs. „mɐːnt tʃɑpɐsəŋqə uːɬən məβ əntɐ? mɐː βont-ɬuːŋqət qɒːn ɛβi. sɐːr qɐːtʲɐ mətɐ βɒːjəɣ əntə βɛɬɬən jɑqqənɐm məntɐ sɐːət.” 4. jɑqqənɐm tʲi mənnəs pɯːrə qɑtɬnə. tʲuː ɐːrit βɒːjəɣ βɛɬɬəs, tom βəɬi, tom βoqɯ, tom ɬɐːŋki, tom puːpi, kɐːtʃəŋ βɒːjəɣ tʲuː ɐːrit βɛɬɬəs. peːʃkɐnnɐt ɬʲɐːqtɐɣə rɐːŋəpəs. ɬʲɐːqəs, ɬʲɐːqəs qɑtɬ mɛrrə ɐːβɬəɬ tɐːɬɬəɬ, ɬʲɐːqəs. ɐːβɬəɬɐ ɬiːɬtɐɣə əntə ɬɐːpsət. pɐː otət toːə qɯːjsəɬɬ. jɑqqənɐm tɐːɬəksətɐːə rɐːŋəpəs. 5. tʲiː mən, tʲiː mən. tom jɐːɣ jɑqqənɐm mənmiɬ tɐːə mətɐ βɒːjəɣ əntə βɛɬmiɬ tɐːə. məβ əj tɐːənə qɒːɬəs, məβ kɐːt tɐːənə qɒːɬəs. əj ɬɐːtnə jɑqqə tʲi joβtəs. qɒːti iːmi kiːm ɬiːβtəs. „ɐːr βɒːjəɣ βɛɬmɐ tɐːɣɯ? tom jɐːɣ βɒːjəɣ βɛɬt?” „tom jɐːɣ əntə βɛɬt.” „mɐːəɬ tʲiː ɐːrit əntə βɛɬiɬəɬɬən. ɐːr βɒːjəɣ βɛɬsən.” „mɐː βont ɬuːŋqət qɒːn ɛβi uːsəm. ɬɵβ jɐːstəɬ: βɒːjəɣ βɛɬɬən? toɬ jəβmɐm pɯːrnə βɒːjəɣ βɛɬsəm.” 6. ɬɵβ jɐːəɬ pɒːri βɛrsət. nʲuːɬɐ tɯːtɐmɬəst. „tʲi qoː ɐːr βɒːjəɣ βɛɬ. tʲi qoː ɯːɬə βɛɬtɐːə mɒːstɬ.” tʲuː jɐːɣnə əj nʲeːβrem ɬɵβɐti kiːtsi. „jɐːɣnə toβə βɒːɣɬo.” „məβɐt?” „nɵŋ ɐːr βɒːjəɣ βɛɬsən. jɐːɣ nʲɑlqət.” toβə mənnəs. ɒːɬəŋ qɒːtɐ joβət, qɑntəq əntem, kiːmət qɒːtɐ joβtəs, qɑntəq əntem, quːɬmət qɒːtɐ joβtəs, qɑntəɣ əntem, nʲəɬmət qɒːtɐ joβtəs, qɑntəɣ əntem, βɛtmət qɒːtɐ joβtəs, qɑntəɣ jɑqqən əntem, quːtmət qɒːtɐ joβtəs, qɒːt tɛɬɬəɬ, jɐːɣ əjnɐm tottit. jɑqqn nʲɐːβəmɬət. tʲuː jɐːq kɵtnə əj pɯːrəs iːki. pɯːrəs iːki jɐːstəɬ. „qoɬnə βɛttɐːə moːstəɬ?” nʲɐːβmɬət. „təβtɐ pɑntɐːə mɒːstɬ, təβtɐ ɬɐːpəttɐːə mɒːstɬ. kɵtiɬ kɵriɬ iːɬə moːritəmin təβtɐ pɑntɐːə mɒːstɬ nʲeːβreməɬnɐt. qoɬtɐːəɬ tʲi uːrɐ βɛrɬətəβ. tʲi βɛɬmɐɬ βɒːjəx quːɬ məŋɐti piːtɬ.” tʲuː qoː tʲuː jɐːsəŋ qoːɬəs. jɑqqənɐm jiːsmin mənnəs. jɑqqə joβət. iːmi jɐːstəɬ: „məβəɬijɐt jiːsɬən?” „jɐːɣnə βɛɬtɐːə mɯːtʃəmtoːjoβ.” iːmipɐ jiːstɐːə jəs. jiːsɬəɣən, jiːsɬəɣən, jiːsɬəɣən. ɯːɬə ɐːɬintsəɣən. 7. tʲuː tɐːə torrəm nɑmməsɐ əntə joβətɬ. torrəm nɑmməqsəɬ: „mɐː βɒːjɣɐt quːɬɐt məsem. ɬɵβ jɐːɣnə ɯːɬə βɛɬtɐə mɯːtʃəmti. qoɬnə mɐː kiːnʲtʲɐːəm tʲi jɐːɣ nɑmməqsəɬt.” 8. tʲeːt pɐːnə ɯːɬə ɐːɬintsət. tom jɐːɣ jɐːstəɬt: „torrəm jiːr βɛrtɐːə mɒːstɬ, məɣ jiːr βɛrtɐːə mɒːstɬ.” pɯːrə qɑtɬnə toβə βɒːqsiɬ. iːmiɬnɐt nʲeːβreməɬnɐt əjnɐm məntsət. qoː əj βəɬi toj, ɯːɬə βɛɬtəɣ, qoː əj ɬɐːβ tɑjɐs, ɯːɬə βɛɬtəɣ, qoː əj mɛs tɑjɐs, ɯːɬə βɛɬtəɣ, qoː əj ɒːtʃ tɑjɐs, ɯːɬə βɛɬtəɣ pɒːri βɛrtɐːə. nʲɐːβi-puːtət nɐːmən keːβrɬət. pɯːrəs iːki jɐːstəɬ: „tʲi puːtət uːtə βəjiɬən!” tʲuː qoː iːmiɬnɐt nʲeːβreməɬnɐt tot ɒːməsɬət. tʲuː nʲɐːβi-puːtət ɬəɣɐti ɬiːttɐːə ɒːmətsɐt. ɬiːttɐːə rɐːŋəpət, ɬiːβmin ɒːməsɬət. ɬəɣə ɬiːβmiɬ tərrəmiɬ ɬɐːtnə tʲuː mɯːr tʃəkkə qɯːtʲtʲəsɐt. teːm qoː jɑqqənɐm mənnəs iːmiɬnɐt nʲeːβreməɬnɐt. jɑqqə joβətsət, ɯːɬə ɐːɬintsət. 9. ɐːɬəŋɣə jəs, torrəm qotɬəs. tom puːβəɬ ɒːɬəŋnə səj jəntem. əj mətɐ pɑɣəɬɐ jɐːstəɬ teːm qoː: „qɯːtʲtʲəm jɐːɣɐ qɐːtʲɐ jɑŋqɯɬɐ!” pɑɣəɬ mənnəs. jɑŋqɯɬəɣ, jɑŋqɯɬəɣ, pərɣi joβət; jəɣɣəɬnə pɯːriɬi: „jɐːɣ βiːɬə qɯːtʲtʲɐt.” „tom jɐːɣ əjnɐm suːrɐɬət. əj ɐːj ɛβi toɬ ɬeːɬəŋɣə qɯːtʲ.” tʲuː qoː iːmiɬɐ jɐːstəɬ: „toβə jɑŋqɯɬɐ, tʲuː ɛβi təɣɣə jɑqqə tuːβe!” iːmi jɑŋqɯɬəɣ, jɑŋqɯɬəɣ. iːminə tʲuː ɛβi jɑqqə tuːsi. „tʲi qɑɬit qotti βɛrtɐːə mɒːsɬət?” iːmi jɐːstəɬ. „təβtɐ pɑntɐːə mɒːsɬət.” tʲi qoː toβə mənnəs. tʲuː qɐːɬit keːm tɐːɬiɬəsɐt. keːm tuːsɐt, əj pɐːjɐ pɑntsɐt. təβtɐ əɬsɐt. nɐːjnə ɬiːsɐt, əjnɐm ɬiːsɐt. 10. tʲuː qoː toβə ɐːtɬnɐm toβə βɑɬmɐɣtəs. qoːəpti βɑɬɬət, βɐːnəpti βɑɬɬət. βɑɬtsət, βɑɬtsət. tʲuː nʲeːβrem ɐːnəmtəɬiɬ. əj ɬɐːtnə əntɬ niːŋkə ɐːnməs. əj pɑɣəɬɐ ɐːriɬəstəɣ. βoɬt, βoɬt. əj ɬɐːtnə pɑqqəɬ-otɣəɬ əj nʲeːβrem tɑjsəɣən. tʲi βoɬt, βoɬt. ɬɐːpət qɒːt puːβəɬ tʲuː jɐːqqəni iːɬə tʲ ɐːnməs. sɐːrpi məβ ɐːrit qoː βɑɬɬəs tʲuː puːβəɬnə, ətʲ ɐːrit quːə jəst. 11. toβnə βɑɬɬət tʲuː puːβəɬnə. əj ɬɐːtnə sɒːt quːə jəst. sɒːt quːə jəɣmiɬ ɬɐːtnə tʲuː qoː oːq-quːə βɛrsi. əj ɬɐːtnə tʲuː ɐːrit quːə jəst, əj mət ɬɐːtnə kɐːjŋi ɐːrit quːə jəst. məβɬijət jɛrrəmtə qoː oːq-quːjɐ jɑŋqɯɬəɬt. ɬɵβənɐm məɬɐt jɛrrəmtə jɐːɣ. nʲɐːnʲɐt jɛrrəmtə qoː ɬɵβɐti joβətɬ, nʲɐːnʲɐt məɬɬ. tʃɑqemɐt jɛrrəmtə qoː ɬɵβɐti joβətɬ. sɑqɐt pɑqɐt jɛrrəmtə qoː ɬɵβɐti joβətɬ. toβənə toːəp βɑɬɬət. 12. əj ɬɐːtnə torrəm ɯːɬnɐm ɬeːəɬəɬ. məβəsər tʲiːntɬit mɯːr. torrəm jɐːstəɬ: „mɐː uːɬəɣtem qoːɬʲ ɛnməm jɐːɣ tʲ ɐːrit.” ɬeːəɬəɣ ɬeːəɬəɣ, kreːkŋ jɐːɣ tʲuː mɯːr əjnɐm. torrəm nɑmməqsəɬ: „tʲi jɐːq kreːkɐ βɛrtɐːə mɒːsɬət. məβ kreːk oːɬəŋ βɛrɬɐm.” βɒːjəx quːɬ kəntʃtʃɐːə rɐːŋəpɬət. βɒːjəx quːɬ əjnɐm ɯːɬə βɛɬiɬ. torrəm ɯːɬnɐm ɬeːəɬəɬ: nʲəŋiɬɐɬ oːpiɬɐɬnɐt əjqɐ βɑɬɬət. torrəm pɯːttɐːə jəɣ. torrəm jomɣə βɐːtɣə jəs. iːɬən βɒːjəx quːɬ kəntʃtʃɐːə kiːm əntem. qɑtɬəpti torrəm jomməɬ. toβənə βɑɬɬət. qoɬɐttinɐm əntə jɑŋqɯɬəɬt. 13. əj ɬɐːtnə torrəm ontɬnə nɑmməqsəɬ: tʲi mɯːr mɛsɐt ɛstɬəɬɐm. mɛsnə ɯːɬə porrəntəɬɐt, mɛsnə porrəntəttɐːə βɛrsɐt porrəntəsɐt, porrəntəsɐt. torrəm ɯːɬnɐm ɬeːəɬəɬ: jɐːq qoɬɣɐːə ɬiːɬŋət. torrəm ontɬnə nɑmməqsəɬ: oːs ɬɐːβɐt ɛsɬsɐt tɐːβnə porrəntəɬɐt. porrəntəsɐt porrəntəsɐt. torrəm ɯːɬnɐm ɬeːəɬəɬ: jɐːq qoɬɣɐːə ɬiːɬŋət. 14. əj ɬɐːtnə torrəm nɑmməqsəɬ: „oːs məβ uːrɐ βɛrɬəɬɐm.” əj ɬɐːtnə torrəmnə noːməɬtɐ təβtɐt ɐːsɬsɐt. təββətt βətʲəɣɬəs. juːβ poːm əj tʃɐːmə ɬiːɬtəɣ. məɣ əj tʃɐːmə ɬiːɬtəɣ. tʲuː mɯːr nɐːjnə βətʲəɣɬəsɐt əjnɐm. ɬiːsɐt ɬiːsɐt. tʲuː tɐːəji əj qoː qɯːtʲəs. 15. tʲuː qoː ontɬnə nɑmməqsəɬ: „ɐːtemnɐm qoɬnə βɑɬɬəm? oːs qoɬnɐm məntɐːə mɒːstɬ? əj uːrəp torrəmɐ məntɐːə mɒːstɬ. torrəmɐ pɒːsɣə mənɬəm.” tɯːɬəsɐ mənnəs. |