| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| ɔːlp jeri | middle lozva mansi (LM) | Sotjinova, Tatjana Alexejevna | poetry/song (poe) | War Songs - Heroic Songs (her) | 1397 | by Eichinger, Viktoria | – |
| Text Source | Editor | Collector |
|---|---|---|
| Munkácsi, Bernát (1896): Vogul népköltési gyüjtemény. In: IV. kötet. Életképek. Elsö füzet. Vogul szövegek és fordításaik. Budapest: Magyar tudományos akadémia, 156-167. | Munkácsi, Bernát; Kálmán, Béla | Munkácsi, Bernát (MU) |
| English Translation | German Translation | Russian Translation | Hungarian Translation |
|---|---|---|---|
| "Song of the hero" | – | – | – |
| Citation |
|---|
| Munkácsi, Bernát 1896: OUDB Middle Lozva Mansi Corpus. Text ID 1397. Ed. by Eichinger, Viktória. http://www.oudb.gwi.uni-muenchen.de/?cit=1397 (Accessed on 2024-04-29) |
| ɔːlp jeri |
| ɔːlp jeri . ɔːlp teːls . ʃæmnə pætəm kurt katəl kuːrməntæ uj poɒ̯l kʷætnə nʲæːrəl juːntɔu , kuːrməntæ ɔrʃən ʃup sarən tɔulʲ wojil woɒ̯rɔu . wɘːt ɔrʃən toːr kʷærtəl juːntɔu ton jyi poɒ̯lt soɒ̯t sʲi sær ints : jæɣæ uːrəm ʃoːtrəŋ kɔləx ʃaka soːnætiæn , jæɣæ uːrəm ʃoːtrəŋ kɔləx ʃaka lowintiæn . oɒ̯ŋkʷæ neː oɒ̯imə kitilitæ : “ ænʲ moːlæl æm jæɣm kum lax tatentəm ʃolʲ pun tuːtal æinəŋ juːntəprisʲ kot oːli ?” “ kuːrəm nʲix kal nʲixtə nʲix jel ɔil loɒ̯pəŋtə .” tʲuː ju kaittɔu . “ jæɣm kum kum lax , uj lax tatəm tɔlʲək ʃup pulæt ʃɨrei kot oːli ?” tʲuː ju kaittɔu . “ jæɣm kum kum lax , uj lax tatentəm ʃeːməl keːrpæ nʲæləŋ oɒ̯læ kot oːli ?” tʲu kaittɔu . “ oɒ̯ŋkum neː oɒ̯i ! jæɣm kum kum lax , uj lax tatəm nʲalæ ʃiltəm pɘːrən pyː kot oːli ?” keːrəŋ æiwən tʲuː nærəmtɔu . “ ænkʷænt jæni uːpən poɒ̯lnə joxteːn , tæu ænkʷænt næːnnə kitilit : ʃæmnə pætmən soɒ̯t sʲi sær ints , kotælʲ minenteːn .” sʲoɒ̯lʲiŋ æːt , suːrəŋ æːt tixtɔu , æjtɔu . “ æm oːtər jæɣm kum lax tatəm nʲalæ ʃiltəm pɘːrən pyː kot oːli ?” uːptæ latti :“ ænkʷænt min , poɒ̯ŋktal sæxʷnə , poɒ̯ŋktal nʲurmnə joxteːn ; soɒ̯t luːpæ luː jeur kɔnteːn næi keːrəŋ æiwən sælkmætən , kot kɘːr næːn ʃunʃpi , tʲe kɘːr puːɣən ! æm mælæ ʃaka ʃiʃæ ʃuːmeːt : ul nʲɔutæn , il joɒ̯mən ! jɘt ʃæʃʃən poɒ̯lnə joxteːn .” tʲuːl il joɒ̯menti . ækʷ mæt sʲit jɘt ʃæʃʃæ poɒ̯lnə joxti . sʲoɒ̯lʲiŋ æːt , suːrəŋ æːt tixtɔu , æjtɔu . ænkʷænt kitilɔu :“ „koɒ̯pər ɔːlp ! ʃæmnə pætmən soɒ̯t sʲi sær ints , kotælʲ minenteːn ?” tæu tʲaxəl loɒ̯ɣi : “ æm oːtər jæɣm kum lax tatentəm uj lax tatentəm nʲalæ ʃiltəm pɘːrən pyː kot oːli ?” ænkʷænt tæu latti : “ poɒ̯ŋktal sæxʷtə , poɒ̯ŋktal nʲurmtə soɒ̯t luːpæ luː jeur , næɣ keːrəŋ æjwən sælkmætən , kot kɘːr næːn ʃunʃpi , tʲe kɘːr puːɣən ! ʃaka ʃiʃæ nʲɔupenteːt , ul nʲɔutæn , il joɒ̯mən ! wɘssi ʃæʃʃən poɒ̯lnə joxteːn .” tʲuːl il joɒ̯menti . ækʷ mæt sʲit wɘssi ʃæʃʃæ poɒ̯lnə joxti . sʲoɒ̯lʲiŋ æːt , suːrəŋ æːt tixtɔu , æjtɔu . kitilɔu :“ kotælʲ minenteːn ?” “ ɔːtər jæɣm kum lax tatentəm nʲalæ ʃiltəm pɘːrən pyː kot oli ?” wɘssi uːptæ latti : “ ænkʷænt poɒ̯ŋktal sæxʷnə , poɒ̯ŋktal nʲurmnə joxteːn . soɒ̯t luːpæ luː jeur kɔːnteːn .” keːrəŋ æiwən sælkmæti ; tʲe tuj teːləm nʲɔur pyː tæwæn ʃunʃpi . tæu loɒ̯ɣi : “ jæɣn sæim wyːr ! næɣ oːn kotælʲ joːktilən ?” æiwænəl mɔːɣit . æiwænəl mɔːɣinæt pæːlt soːpəlæ inti , naɣrəl uttənæt pæːlt kʷɔnənæ inti ; potpuruk kartux at mikti . ɔlməx maɣlæ kuːrəm poːk lu keːrəŋ pɔʃməx pætʲtʲəl ju ʃɘːxʷsæn . tʲuː tæjætəm koɒ̯pəttə potpuruk nuk kaʃʃəmtit , nuk ripitaxti , nuk tisseltaxti ; pær ʃunʃpoɒ̯li , æm mænt oːləm ur nʲalæ sær jæppenti . kʷɔʃæ mini , wɘːtʲ mini , mætərpyːt poj kum poɒ̯lnə tʲuː joxti . “ oːn ” – latti – “ iːtʲ kuːluxʷ tɔːrætyln !” “ æm næːn tixtnə jæməs teːnə kotəl wyːm ? næːn æjtənə jæməs æjnə kotəl wyːm ?” tæu il joɒ̯mtenti , ilnʲuː pæti . “ tɔːrəm poɒ̯l ɔsʲsʲæ lailpæ , toɒ̯təŋ lailpæ tɔːrəm pyːnə næɣ ujlankʷən ! ʃeːməl mɘː oɒ̯ŋkʷənnə jel poɒ̯l wytʲiŋ sʲaːrəsʲnə næɣ kulʲilaŋkʷən !” ilnʲuː pæti , pær ʃunʃi : æm mænt mætərpyːt mæt poj ækʷ pɔʃmæ oɒ̯ttəlenti . ækʷ jeːrtə uttəm kʷælæn sʲumlʲəkæn neiləs . æm mælæ mætəm jeːkʷ anʲʃux tin oːlnæn . tæu latti : “ ækæm oɒ̯kʷæm oːn iːtʲ kuːluxʷ tɔːrætelæn !” “ næːn tixtnə jæməs teːnæm kotəl wɨilæm ? ju tuːjin , jel kujin !” tæu ju tuːji . ækʷ mæt sʲit jeːkʷ anʲʃux kɔtəm lattəxatiji . ækʷ mæt sʲit æm mælæ tɔːltəm sæɣr pyː ju tʲe tuːləsteːn . “ æpykʷə , tʲe sæɣr pyːmə lʲæp ʃalʲlʲəmtæln !” tæu lʲæp ʃalʲlʲəmtit , kʷæn jæxtəpoɒ̯lit , jeːkʷæ puːt woɒ̯ruxʷ inti , tæu kit nʲoulʲ poɒ̯r jæxtæpi , puːt keːn nal ripitiæn . sʲeːpæn ækʷ teːp ʃæm nuk wɨi , nal ripititæ puːt keːn . puːtæn nuk pɔːjilti , kʷænælʲ pottilelti . teːt , æjit , ness æriti . kuj kʷɔltæn nuk kʷoɒ̯li , luːtæ puumtitæ , il joɒ̯mtenti . ækʷ mæt sʲit kit kum æm mælæ wuor sʲeŋæsʲt æləsʲlentiji . moːt xum latti : “ peːʃ koɒ̯pər , peːʃ ɔːlp oːləm sʲit naj teːləl oːlsɔu , oːtər teːləl oːlsɔu . lʲælʲpəl koɒ̯pər pætəm jyi poɒ̯lt , lʲælʲpəl ɔːlp pætəm jyi poɒ̯lt jiːŋkəi næmnə pætsɔu , kusʲ næmnə pætsɔu .” moːt kum latti : “ peːʃ koɒ̯pər oːləm sʲit , peːʃ ɔːlp oːləm sʲit jiːŋkəi næməl oːlsɔu , kusʲ næməl oːlsɔu . lʲælʲpəlʲ koɒ̯per pætəm jyi poɒ̯lt , lʲælpəlʲ ɔːlp pætəm jyi poɒ̯lt naj teːlnə pætsɔu , oːtər teːlnə pætsɔu ”. tæu peːʃ koɒ̯pər jeʃʃəm kummə lʲæp ʃaurəpəstæ , tuːl minəs æm mælæ peːʃ koɒ̯pərnə . mɘːm jurtəl æjenti , tɔːjenti . mætər pyːt uːʃ taɣl ʃaka lʲæp ʃauriæn . ton jyi poɒ̯lt tixtɔu , æjtɔu . ækʷ mæt sʲit jel pɘːŋkləs . soɒ̯t tæl raxt woːŋkæn jel ripitɔus ; luːtæ kuːrəm piʃ keːr kʷæl keːn ju nɔːrəptaus . tæu kʷɔʃæ kujis , wɘːtʲ kujis , nuk saikæləs . æm mælæ soɒ̯t tæl woːŋkæt jælən kujenti mætər pyːt mæt nɔːjər oɒ̯i jiw ʃɔurenti , polʲ jel ræːti . tæu tumræ woɒ̯ri . sʲopər ɘːtænnə kuːrəm ɘːt mæniti tɘːnəl woɒ̯rit . lailəŋ uj kumlʲə minenti , tʲok kʷɔʃʃenti ; tɔuləŋ uj kumlʲə tiɣlenti , tʲok kʷɔʃʃenti . akʷ mat sʲit lunt woɒ̯nt minenti ; tæu lunt tɘːn kʷɔʃʃælts . tæwæm kuːrəm por lunt woɒ̯nt laxʷæ joɒ̯ŋktit ; tæu poɒ̯ltæn tʲuː jel issət . tæu ʃæm poɒ̯l uj tɔul poɒ̯lne kanʃæ kanʃi . “ tʲaːxəl æm luːm kot kɔːntilən , tʲe kanʃæ tuː tæxtəpoɒ̯læln ! lunt woɒ̯nt nuk tiɣləmleːt . tiɣlnæn uil lunt ænʲæ kanʃæm tæu luwæn tʲuː tæxtəpoɒ̯liæn . luː rɘːxuli , kuːrəm piʃ keːr kʷæl pal sʲulʲæti . luː kajtliti . soɒ̯t tæl mil woːŋkæ sutnə tʲuː kajtliti . æiwən woɒ̯nəs kʷɔllæ tʲuː jel nɔːpəmtaxti , luːtæn nuk nʲirəmtɔu . tʲi mirmə puʃn lʲæp ʃaurit : kot nɔːjər oɒ̯i jiw ʃaurents , tæ nɔːjər oɒ̯i tækʷtæn nuk wiːtæ . |