| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| ekʷa piɣrisʲ | northern mansi (NM) | prose (pro) | Tales (tal) | 1235 | glossed | – |
| Text Source | Editor | Collector |
|---|---|---|
| Černecov, Valerij Nikolajevič. (1990). "Как Эква-пырись на охоту ходил". (Černecov-Archiv, Nr. 44 S. 113-149). In: Лукина, Н. В. (ред.). Мифы, предания, сказки хантов и манси Москва: Наука. 366-373 | Chernetsov, V. (CH) |
| English Translation | German Translation | Russian Translation | Hungarian Translation |
|---|---|---|---|
| "The Old Woman's Nephew" | – | – | "Az öregasszony unokaöccse" |
| by Norbert Szilágyi | by Norbert Szilágyi |
| Citation |
|---|
| Chernetsov, V. 1990: OUDB Northern Mansi Corpus. Text ID 1235. Ed. by Janda, Gwen Eva. http://www.oudb.gwi.uni-muenchen.de/?cit=1235 (Accessed on 2024-04-29) |
| ekʷa piɣrisʲ |
| ekʷa piɣrisʲ (akʷ eːkʷate) akʷeːntəl oːleiːɣ. tot oːlimateːn apiɣrisʲe kon xajtiɣli. amp oːjkate ta sulinti. sulinti, anʲ piɣrisʲe ta xajti, aːmp uːtne maːn. tuw joːxtəs akʷ seːməl uːnli. akʷe palt juw joŋxiɣpas. laːwi: –akʷa, akʷa, anumna matər alne matər majen, akʷen karaj soːw passaiɣ majwesiɣ. –seməl palt joxteɣin, tuwl sartaltejn akʷan, tel jol raɣati. taw ta xaːjti. tuw joxtəs, karaj soːw passaɣe sartaltasaɣe, jolalʲ ta powari. juw joxtəs: –akʷa, akʷa, ti manər seːməl? akʷe lawi: –ti jaɣən, oːparisʲən porat aliɣlam nʲoːxəs ti! xujasiɣ, oːlsiɣ kitit xoːtal xoːtələs. akwen tintlawəs. joxtlattal, pintlattal xuriɣ pattan pupɣiɣ ta pinaste. –janiɣmane xum, posne xum jul alam ujn joxtlattal,pintlattal xuriɣn pinaslameːn soːteŋeɣ wos jeːmti. rusʲən ul majeːln. kitit xoːtal os kʷalas, aːmpe os uːti. –akʷa, akʷa, karaj soːw passaɣəm xot oːleiɣ? akʷen ta lajwesiɣ: –wojekeɣən! kon ta kʷalapas, ta xajti aːmpe palt. seːməl numən oːli. karaj soːw passaɣe sartaltaste, ta raɣatas. juw ta aːlmtite. juw joxtəs. –akʷa, akʷa, ti manər? –apiɣkʷe, ti tulmax. jaɣən oparisʲən porat aliɣlam ute ti. tintlaste, sʲopitaste, os joxtlattal pintlattal xuːriɣ pattan os ta ∓ soːteɣ wos oːli. ampe os ta utaltaxtas. kon kʷalas, tuw ta xajti. –akʷa, akʷa, wojkan uj uːnli, passaɣəm ti majejn. tuw xujtəs, sartaltaste, uj jol ta powaras. juw totaste aːkʷe palt. –akʷa, akʷa, ti manər sir uj? –ti leːŋɣən, jaɣən, oparisʲən aliɣlam porat leːŋɣən ti! tintlaste, sʲopitaste ∓ soːteɣ wo oːli. –paul ti sawit wor uj joxti, worna ke minnuːwum ul alnuːwum? –apiɣkʷə, kataɣən, laɣlaɣən iŋ waːɣtal. –aːti, –laːwi– am minejm. xunt pajpəl sʲopitaste. janiɣ untmit xosit ul minen, jaɣən oparisʲən ta untmit jalum matet sorum pats. manʲ lʲoːŋx xosit kʷaləm pal lʲoːŋx xosit minen. losʲit untmit xosit ul minen.. tau pajpe alməste, waŋənnə, kon ta kʷaləs. elanuːw pats, soːlʲ untmit xurmiɣ towiləs. kit untmit maːnʲ, kit nupəl mineiɣ. janiɣ untmit xalnəl mini. janiɣ untmit sunteːt, (lʲoːŋx towipanelt) sun tot lʲuːlʲi amp lakʷ, xartne kʷaːliɣ, xasile tuw neɣsalawət. sune jol sʲeltamtaste, pajpe tuw taltəste. –manər ti sun tit lʲuːlʲi nas kassiɣ. noŋx keːrilum. ampe ta keːrəste. xaːsil kʷalɣəl pajpe tuw xaːsi. xaːsəste, eːlalʲ (ti xasmiɣ) aːmpentəl ta xasumtasiɣ. mosʲ minasiɣ, xapəl jalne jaːn joxtəsiɣ, toːpəl jalne jaːn joxtəsiɣ. jol lʲulʲsəs nomsaxti: – ul ja tolxe nupəl matər uj-xul oːli, kelɣəŋ lotəŋ maːt. keliɣ wataŋ maːt matər uj xul oːli. misli woːr ulpəl tax onʲsʲi. ta xarti. xurum woːlʲ tup minaseɣ, keras naluw waɣli keras nʲol ja watan roːwi. xurum puŋkup meːŋkʷ mowintim jolalʲ ta totawə. – a-xa-xa, aːpiɣkʷə –xot kepəl jalne janitiɣ ta jemtsən, anum aman at jursʲilən. –am xunʲ waɣlum, naŋ janiɣ oːjka, wor ul naŋ waɣlən, anum naŋ jursʲeːln! –aːti, –lawi, –paulnəl jim xum, untmit naŋ untmitən, wor kosaj naŋ. apiɣkete laːwi: –ja minimen, minimen. ti janit loxtəŋən patsən, ti minimen. ta minmiɣtasiɣ. –apiɣkʷe, – meːŋkʷ oːjka laːwi, –noŋx talen aːmp oːjkan os noŋx talteːln. apiɣkʷe sunn ul wos sakʷali. –akim oːjka, am sunrisʲum mori sakʷalali. ta tals, akiteːn ta xartawə. ta minmiɣtasiɣ. xurum woːlʲ toːp minasiɣ keras nʲol ja watan rowi. at puŋkup meːŋkʷ ta taxamtas ten palten. –exe, apiɣkʷə, xurum puŋkup akin jursʲumən, anum os jursʲen! – jursʲxatew, –lawi, –manriɣ at roːwi? anʲ kit meːŋkʷ xarteiɣ. –akim oːjka, xuntən noŋx talteln. at puŋkup akit oːjka laːwsi: –sunən saːkʷali. –am sunrisʲum at sakʷali. ta xarteiɣ. xurum woːlʲ minasiɣ, saːt puŋkup meːŋkʷ oːjka os taxaːmtas. –apiɣkʷə janiɣmane xum, posne xum ta janimamən, jalne janitiɣ ta jeːmtmən, jaɣən jalum untmit, oːparisʲən jalum untmit ta kojməntaslən anum aman at jursʲilən? –jursʲxatew, wor waɣlənanə ul naŋ waɣlən. –atʲi– lawi– naŋ kosaj naŋənnəl kitiɣlaxtew. –akim oːjka xuntən noŋx talteln! apiɣkʷə, sunən sakwaːli! –ati am sunum at sakwaːli. ta minmiɣtasət, xunte os ta taltuwəs. xartuŋkʷə ta patsət. nʲaŋra sʲaxəl xuril, tujt porxaj kiwərt ta totawə. nʲaŋra sʲaxəl sujil ta totawə palʲasaɣe nas xuwɣənete suiti. xosa minasət, wati minasət xaːpəŋ jaː toːpəŋ jaː keːliɣn ta patsət. keliɣn xuliɣlas. keliɣ xuliɣlan maːtet wor kol oːlum. – ti xoŋxa kol, apiɣkʷə? apiɣkʷə lawi: –am xunʲ waɣlum . ti, –lawi, –asʲin, oul wor kole. os xassəmtawəs, os ta mini. keːliɣ patta marəs, os wor kol. –jajən, oparisʲən kotilʲe wor kole ti! os ta xassumtawəs. nʲar naŋk, nʲar xout oltim kol unttima. –jaɣən, oparisʲən patit wor kole ti! tiɣil juw ta joŋxi! wor lʲoːŋx patite ta. –ja ta apiɣkʷə, naj jiw saɣren. nʲas lʲaŋkʷitetəl lʲulʲmiɣtas. naŋk jiw xowt jiw nas parɣi. naj jiw saɣrəs, astəs. xurum puŋkup meːŋkʷ xurum palʲpa arɣen poːt. at puŋkup oːjka at palʲpa arɣen poːt. saːt puŋkup meːŋkʷ oːjka saːt palʲpa arɣen poːt. –ja, apiɣkʷə wit tolten! ta toltuŋkwə kon ta kʷaltapasane, tujtəl taɣla poswesane. kotilʲe arasʲiŋ kol kiwern tuːlsane, naluw taɣatasane. xurum puŋkup oːjka xurum palʲpa poːt aiste. –aɣa, apiɣkʷə, –toltam witəl nʲeːlmum tolas, turum litəs. at puŋkup oːjka ∓ at palʲpa poːt aiste. –aɣa, apiɣkʷə, –toltam witəl nʲeːlmum tolas, turum litəs. saːt puŋkup oːjka saːt palʲpa poːt aiste. –aɣa, apiɣkʷə, –toltam witəl nʲeːlmum tolas, turum litəs. anʲ xurum puŋkup xunte lositaste. teːŋkʷə ta patsanəl. saːt puŋkup meŋkʷ oːjka apiɣrisʲe xor lomtəl, woj lomtəl janas pinaste: –apiɣrisʲuw pili man jotuw teːŋkʷə, xunʲ weriɣti! wor pupiɣ xulʲ (kulʲ) jot eriŋ xuraxli, wor pupiɣ akʷ soːp oulel juwlʲe maɣtali, akw soːp oulel luw konalʲ patiɣli. ta xujasət. saːt puŋkup meŋkʷ oːjka lawi: –apiɣrisʲ, am poːtim xujen, saːt pis tuwl saxil am oːleɣum, at polʲawen. jol ojilmatwəs. alpələɣ jemtəs: –apiɣkʷe kʷalen, ja kʷalen! wor ti palit xujejn? wor pupiɣ xulʲ jot at pəl pileɣən! noŋx kʷalapas: –akim oːjka xulʲe, xumlʲe? –am nʲalanum jowtanum xanne jiwən ampən noŋx xartiɣleln. –tai manariɣ noŋx xarteɣum akim oːjka xumlʲe, xumlʲe? meːŋkʷ oːjka at potərti. sop nʲelmtal tox minas. –ej jaɣən tem, aŋkən tem! tit ke oːlsən lʲaŋkwi supəl xurum pukən xurmiɣ ti saɣrenuːwum, potərteŋkwəke saw oːls, manreɣ potərtasən? naj jiw ta saɣri nʲas lʲaŋkwi supetəl naŋk jiw, xout jiw nas parɣi. xotal kotʲlʲe porat ampe meːŋkw oːjka nʲalane, jowtane xanne jiw nupəl uːtuŋkʷə ta pats. noŋxal sunsi, ta xurip seməl nʲoxəs unli. juw sʲaltapalas karaj soːw passaɣe almajas. sartaltaste nʲoxəs jol ta raɣats. soːwe xot nujiɣte nʲara patta pum joli paln tuw tujtəste, nʲowlʲe ampen sʲeltutumtaste. –jun oːleɣum akwjanum worajeɣt urtəl wek at pinawem akw ekwam palt manarəm totejm. salen aːti akw nʲoxəs soːw totejm. akw nakt eːti palaiɣ xurum puŋkup meːŋkw oːjka joːxtəs. xurum palʲpa arɣen poːt juw ajalaste jeretəl konsəɣtaste tuːp kere xulʲtəs. –aɣa apiɣkem xot ke pəl oːls nelum tolas, turum titəs. at puŋkup ∓ saːt ∓ entapanəl aŋxosanəl leːŋən, nʲoxəs sans puŋk lʲulʲitəl raupas (raɣmatəs, loŋxatas) . ta alasət! nujɣalasanəl, arɣən poːtaneln nʲaːluw peːtsanəl. saːt puŋkup oːjka os takwi xunte ᴥaste. saːt puŋkup oːjkan piɣrisʲe os janas pinumtawəs. –wor pupiɣ xulʲ jot teːŋkwə xunʲ weriɣti! ∓ nʲoulanəl teːsət, aːstəst. –apiɣkem os am poːtimn xujen, saːt pis toul saxi kiwərn sʲaltapen. alpəl noŋx joxtəs. –manər apiɣkʷə ta palit xujeɣən pupiɣ xulʲ jot at pəl pilejn? –am xotəl pilejm! at puŋkup meːŋkʷ nas ati taw xulʲtum. aːmp oːjkan am nʲalanum , jowtanum , xanne jiwn noŋx xartiɣleːln . –manriɣ am. ∓ naj jiw saɣrimate xotal kotilʲ porat amp oːjkatə at puŋkup oːjka nʲalt jowtət xanne jiw nupəl utuŋkwə ta pats. tuw xajtəs, noŋxal sunsi – seməl nʲoxəs unli. ∓ xurum puŋkup meːŋkʷ oːjka juw raɣats (sʲaltapas) xurum palʲpa arɣen poːt jereːtəl konsiɣtaste, juw ajalaste, keːre tup xulʲtəs. apiɣkʷə, nʲelum tolas, turum litəs! at puŋkup oːjka. ∓ saːt oːjka. ∓ entapanəl aŋxosanəl seməl uj, wijər uj sans puŋk lʲulʲitəl uːnli. saːt puŋkup oːjka xunte ta pestalaste lawi: –ja, xolit xotalʲ juwlʲe minew, xurmit xotal worajew. nʲila xotal ke worajew leːŋxən xoli, nʲoxəs xoli. torum lawsim sʲiruw ta xurum xotal worajew. xurum puŋkup oːjka lawesi: –apirisʲuw, akʷe pal joxti, manare juw toti, akjane palt jursʲxatiɣlame manare juw totite? akw xotal os jomiɣtew. –manaruw tax teːɣuw, – sat puŋkup oːjka lawesi, ᴥntanuw xolasət! –am xuntum alpəl teɣuw, –apirisʲe lawi– juwlʲe worati, ja minew. eːlmxolas worajaŋkʷə pati, arɣen alisʲleɣən, tuwl elmxolas manare teːŋkʷə pati? manax xotal lawwesen ta palit alisʲlen. anʲ seməl uj wiɣər uj nujɣalawes, poːtn, ta paxotsanel, naluw peːtsanel, ta pajtaxti. pajtaxtnete sis alam ujanel xulanel nʲilaɣ urtuŋkʷə ta patwesit. –apirisʲuw manər maːn pinijane ta sawit uj xul? –am pajprisʲum onʲsʲeɣum. urtaxatsət, astest, pinuŋkʷə patset. xuntanel sʲar taːɣlekʷə pinsanel. tan pajpe punsəste, toxruŋkʷə patəste, pajpe kotʲlʲeːn at joxtəs. poːtanəl teːŋkʷə ta patsəs. sat puŋkup meːŋkʷ oːjka lawesi: –apiɣrisʲum, naŋ am poːtim saːt pis toul saːxi kiwern sʲaltaːpen, at polʲawen. ta xujasət. alpəl noŋx kʷalsət, nas aːti pusən oːleɣt. ja ta apiɣrisʲuw, pajpən matər oːnsʲi, teːɣuw. nʲila xotpa mus, nʲila xor lomt, nʲila sʲakiŋ woj puːl, onʲsʲamute taː. meŋkʷ ojka lawi: –nʲila xor loːmt, nʲil woj pul. xum akʷ xor lomt, akʷ woj pul. xot ti pox xaln tara mini, at ti suitiɣli! –nas tajen, –sat puŋkup ojka lawi – ekʷa piɣrisʲ tajme xunʲ xoli. ta kos tes, ta kos tes, sorɣanəl nas taɣintasət. nʲila xor lomt at xolamt, pajpən ta pinsane, nʲila woj pul os xulʲtmət. pajpen pinsane, taltxatsət juwlʲe ta xartawe. keliɣ pattan joxtestət, keliɣ xosit minasət. xaːpəŋ jaːn, toːpəŋ jaːn ta patsət. waɣltasanel owl xumus mini, nuːle xumus xajti ta kojanel. sat puŋkup ojka joxtum lʲoːŋx sunten ta joxtesət. apiɣkʷə anʲiɣlawəs, sipɣawe meŋkʷ oːjkaten. –apiɣkem ta xolʲt jursʲalawesuw seməl uj, wiɣər uj alasuw, at ke jursʲwesuw, manare alnuːwuw. ta minas. at puŋkup meːŋkʷ ojka joxtum maten joxtesət. –apiɣkʷə anum ta xolʲt jursʲalaslən. seməl uj wiɣr alasuw. at ke jursʲalaslən manare alnuwuw. mori mat manare alnuwuw! aniɣlawes sʲipɣuwes, ta minas. ten os xurum puŋkup akiteːn oːjkal akʷ jot os ta minas. xurum puŋkup akit oːjka joxtum maːn joxtesiɣ. –ta xolʲt jursʲalalən, apiɣkeːm. at ke jursʲeslən manər alnuwuw. mori mat manər alnuwuw. –aniɣlaŋkʷə, sipɣuŋkʷə os ta puwwəs. aniɣlawəs, sipɣawəs. –juw joxteɣən, akʷən matəs ke maniɣ waːreln. –xumus warilum? –xot mus xaseɣən ke waːreln kittəɣ ta minaseɣ. takketə ta patapas akʷe palt ta mini. akʷe palt joxtəs kol xurum sam atim, jol lonʲxatamt sʲowal same oːli. akʷ naj sultum neiɣli. juw sʲaltepame mus. jomne suwe oul jaŋkeːtl naj sultme lap tusʲtiɣpaste (xarumtas). –ja jaɣən teːm, aŋkʷən teːm! apiɣkem sam sunsum naj lap xot xariɣtaslən! eːte loːteːtəl at xariɣtite akʷaiɣ onʲsʲite. ekʷa piɣrisʲ akʷe ekʷa kon kʷalteste puŋk soːwenəl onsiɣtaste, saŋxasaste, laɣəl nʲoletəl. jolal jinete mus puwəste. maniɣ ta jemtum. man telum naj aɣikʷəiɣ, man telum oːter aɣikʷəiɣ ta jemtum! aniɣlaxtsiɣ, sipiɣxatsiɣ. –naŋən urim eːte xoːtale lʲunʲsʲim matum eːkʷa xuripaiɣ ta jeːmtalasum. naj at xariɣtalsum, eːte xoːtale ta woslum. sʲunʲeːntəl oːltuleːntəl anʲ ta sʲunʲeiɣ at ta oːleiɣ. |